1 Timutawus 1:17 - Ṯarifiṯ 2020

¹⁷ Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

1 Timutawus 1:17 Referans Kwoze

Yahuḏa 1:25

iƹni Arebbi wenni iǧan waḥḏes isenjam-aneɣ. Aɣares ṯiȓi lƹaḍama ḏ ṯuƹȓat ḏ lquwwa ḏ ssulṭa s Ƹisa Lmasiḥ Siḏiṯneɣ iƹni qbeȓ i marra zmanaṯ iy iƹḏun u ḏ ȓexxu u ḏ ȓebda n ȓebdaṯ. Amin.

Lwaḥi 19:1

Menbaƹd i manaya sȓiɣ i yijjen n ṯmijja amecnaw ṣṣut n waṭṭas n yiwḏan iǧan ḏeg ujenna, ṯeqqar s jjheḏ: "Ḥemḏeṯ Arebbi! Asenjem ḏ lƹaḍama ḏ jjheḏ i Arebbi nneɣ.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.

Lwaḥi 19:16

Yura x učammir ḏ umeṣṣaḍ nnes ijjen n yisem iƹni ḏ Azeǧiḏ n izeǧiḏen ḏ Mawlana n mawlanaṯ.

Ayṯ-Ruma 1:23

Beddȓen lƹaḍama n Arebbi iddaren i ȓebda s lʼaṣnam itcabbahen ḏeg iwḏan iy ɣa ifnan, ḏ lʼaṣnam itcabbahen ḏeg yijḍaḍ ḏ lḥayawanaṯ ḏ min itenḥuruḏen.

Lwaḥi 19:6

Sȓiɣ i yijjen n ṣṣut am ṣṣut n waṭṭas n ȓɣaci niɣ am ṣṣut n waṭṭas n waman niɣ am ṣṣut n wajjaj ijehḏen, iqqar: "Ḥemḏeṯ Arebbi! Siḏi Arebbi nneɣ ig izemmaren i kuȓci qa iḥekkem.

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

Yuḥanna 1:18

Uȓa ḏ ijjen war iẓri Arebbi ƹemmarṣ. Mmis waḥḏes ig iǧan ḏeg wuȓ n Babas ḏ netta iy ḏaneɣ d ismeḍharen Siḏi Arebbi.

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 7:12

Qqarent: "Amin! Lḥamed ḏ lƹaḍama ḏ lḥikma ḏ ccuker ḏ uweqqar ḏ ṯzemmar ḏ jjheḏ i Arebbi nneɣ i ȓebda n ȓebdaṯ. Amin!"

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Buṭrus 5:11

Aɣares yiȓi ȓeḥkam i ȓebda n ȓebdaṯ. Amin.

Iƹibraniyen 11:27

S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.

Ayṯ-Ruma 16:27

Arebbi waḥḏes iy ɣar ṯeǧa lḥikma, aɣares ṯiȓi lƹaḍama i netta i ȓebda n ȓebdaṯ s Ƹisa Lmasiḥ! Amin.

Ayṯ-Ruma 11:36

Aqa marra yusa-d ikka-d zzayes, kulci nnes. Aɣares ṯiȓi lƹaḍama i netta i ȓebda. Amin.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 1:20

Zeg wami ṯeǧa ddunect-a, min war itwaẓerren n Arebbi iƹni jjheḏ nnes itduman ḏ ṭṭabiƹa nnes yuƹȓan, nfehhem-iṯent nẓerr-iṯent mliḥ ḏi ṯmesȓayin itwaxeȓqen. Ƹlaḥsab manaya iwḏan war ɣarsen bu lƹuder.

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Ayṯ-Ruma 2:10

Walakin aḏ tiȓi lhimma ḏ uweqqar ḏ ȓehna i marra yinni iteggen lḥasanaṯ, Ayṯ-Israʼil ḏ imezwura ƹaḏ ḏ yinni war iǧin ca zi Ayṯ-Israʼil.

Iƹibraniyen 2:7

Ṯeggiḏ-ṯ ƹȓayen am lmexluqaṯ ujenna yuƹȓan, ṯuciḏ-as ttaj n ȓuweqqar ḏ waṭṭas n ccan,