1 Buṭrus 3:8 - Ṯarifiṯ 2020

⁸ Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

1 Buṭrus 3:8 Referans Kwoze

Ayṯ-Ruma 12:10

Xseṯ ayawya am ṯawmat. Weqqareṯ ayawya ktar zi jjheḏ.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

Ayṯ-Ufasus 4:31

Marra lƹuqda ḏ uɣḍab ḏ uƹeṣṣeb ḏ sḏaƹ ḏ ȓbaṭeȓ sbeƹƹḏem-ṯen xawem marra, u kkseṯ ƹaweḏ kuȓ nnuƹ n ȓeqbaḥeṯ.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

1 Ayṯ-Kurinṯ 12:26

Meȓa can yijjen itwaƹeddab, aḏ twaƹeddaben kuȓci. Meȓa can yijjen ṯemmuc-as lqima, akiḏes farḥen marra.

Matta 18:33

Ȓa ḏ cek tuɣa itxeṣṣa-cek aḏ treḥmeḏ ameddukeȓ nnec amecnaw mammec c reḥmeɣ uȓa ḏ nec."

1 Yuḥanna 3:14

Neccin nessen belli neẓwa zi ȓmewṯ ɣar ṯuḏarṯ ȓaḥeqqac ntexs ayṯmaṯneɣ. Wenni war itexsen ca ƹaḏ aqaṯ itƹic ḏi ȓmewṯ.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

Ȓexḏayem 4:32

Jmaƹeṯ nni n ȓmuminin ɣarsen uȓ nsen ḏ ȓaƹqeȓ nsen kif-kif. Uȓa ḏ ijjen zzaysen war iḥesseb min ɣares nnes waḥḏes, carrcen marra ṯimesȓayin jarasen.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi

Iƹibraniyen 13:1

Qqimeṯ tḥibbaṯ ayawya am wawmaṯen.

2 Buṭrus 1:7

u ƹaweḏ arnim ȓxir jar wawmaṯen ak ṭṭaƹa-ya nwem i Arebbi; u ƹaweḏ arnim ȓemḥibbeṯ ak ȓxir-a nwem jar wawmaṯen.

1 Buṭrus 2:17

Weqqareṯ marra iwḏan. Sƹizzeṯ ayṯmaṯwem. Ggwḏeṯ zi Arebbi. Weqqareṯ azeǧiḏ.

Yaƹqub 5:11

Aqa ṯessnem yinni iṣbaren nteḥsab-iṯen ɣarsen ssaƹḏ. Kenniw ṯesȓim x ṣṣbar nni n nnabi Ayub, ṯessnem mammec ṯ ibarek Siḏi Arebbi ḏeg uneggaru minzi Siḏi Arebbi netta ḏ aḥnin ḏ araḥim.

Yaƹqub 2:13

Nhar n Lḥisab Arebbi war ireḥḥem ca wenni war ireḥḥmen ca; arraḥmeṯ ṯɣeǧeb lḥisab.

Ayṯ-Filippas 3:16

Walakin min nessen ƹaḏ nican labud aḏayes neṭṭef mliḥ.

Ayṯ-Ruma 15:5

Arebbi iƹni wenni iticcen ṣṣbar itcejjaƹ-ikenniw, ataf akenniw ismun ḥima aḏ tiȓim ḏ ijjen xmi ṯḏeffarem Ƹisa Lmasiḥ,

Ȓexḏayem 28:7

Ȓbarr-a wanita yuḏes ɣar ca n ṯmura n arrayes n ṯeyzirṯ nni, netta qqaren-as Publiyus. Irḥeb zzayneɣ, isnewjew-aneɣ ikarem-aneɣ ṯeȓtiyyam.

Ȓexḏayem 27:3

Ṯiwecca nnes, wami nuweḍ ɣar ṯendint n Ṣayda igga ȓxir Yulus ḏi Bulus ijji-ṯ aḏ iraḥ ɣar imeddukaȓ nnes bac aḏayes thillan.

Ȓexḏayem 2:1

Wami d yuweḍ Ȓƹiḏ n nhar wis xemsin, munen marra ȓmuminin ḏeg yijjen n umcan.

Luqa 10:33

Walakin ij uṯarras zi ṯmurṯ n Ayṯ-Samarya itsafar iƹḏu-d ssenni, iẓri-ṯ iqqes-as.

Ayṯ-Ufasus 4:32

Teggeṯ ȓxir ak wayawya, tḥinnam x wayawya. Semmḥem i wayawya mammec ḏawem iɣfar Arebbi ḏi Lmasiḥ.

Ayṯ-Filippas 2:3

War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.