1 Buṭrus 3:1 - Ṯarifiṯ 2020

¹ A ṯimɣarin, amenni ƹaweḏ itxeṣṣa aḏ ṭaƹent i iryazen nkent. Ḥima yinni war iteggen ca array i wawaȓ n Arebbi ataf ṯimɣarin nsen aṯen d arrent ɣar ȓmuminin bȓa ma akiḏsen ssiwȓent s wawaȓ ɣir s ṯicri nsent u ṣafi.

1 Buṭrus 3:1 Referans Kwoze

Ayṯ-Kulus 3:18

A ṯimɣarin, ṭaƹent i iryazen nkent minzi manaya ig iǧan ḏ lmaƹqul zi Arebbi.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 7:16

Cuf a ṯamɣarṯ, manis ṯessneḏ cem zaƹma bac aḏ tesnejmeḏ aryaz nnem? Y cek ay aryaz, manis ṯessneḏ cek zaƹma bac aḏ tesnejmeḏ ṯamɣarṯ nnec?

1 Buṭrus 3:7

Ay iryazen, amenni itxeṣṣa-yawem aḏ teggem ƹaweḏ, aḏ tƹicem ak ṯemɣarin nwem s yijjen n ȓefhameṯ jarawem. Ucem-as lqima i ṯemɣarṯ iǧan nettaṯ am ṯɣerrafṯ itrezzan ḏeɣya minzi ḏ niṯenti itwarraṯen akiḏwem lbaraka n ṯuḏarṯ. Ḥima war ḏinni tiȓi bu can n ȓḥajeṯ aḏ trez ṯẓaǧiṯ nwem.

Ayṯ-Ruma 7:2

Maṯalan ḏi ccariƹa, ṯamɣarṯ ṯemȓec meȓa aryaz nnes aqaṯ ƹaḏ iddar, aqat x yiri nnes. Meȓa aryaz nnes immuṯ aqa twafekk zi lqanun n ȓemȓac.

1 Ayṯ-Kurinṯ 14:34

Ṯimɣarin ḏi ṯjumaƹ n ȓmuminin labud aḏ qqiment stukant. War ḏasent itwasmiḥ ca aḏ ssiwȓent. Labud aḏ tseḏḥant mammec ṯeqqar Ccariƹa n Musa.

Matta 18:15

Meȓa ixḍa akiḏec wumac, ruḥ ɣares nha-ṯ ɣir cek ḏ netta ɣir s ṯnayen iḏwem. Meȓa igg-ac array, ataf aḏ tiȓiḏ mliḥ ƹaweḏ ak wumac.

Ayṯ-Kulus 4:5

Ƹiceṯ s ȓefhameṯ ak yinni iǧan ɣar barra nwem war yuminen ca, staɣellam ȓweqṯ nwem mliḥ.

Iƹibraniyen 11:8

S lʼiman ikkar nnabi Brahim iṭaƹ-as i Arebbi wami ḏas d iȓaɣa aḏ iraḥ ɣar yijjen n umcan iy ɣa iqbeȓ ḏ lwareṯ. Iffeɣ netta tuɣa war issin ca mani ɣa iraḥ.

2 Ayṯ-Salunik 1:8

Aḏ intaqem zeg yinni war issinen ca Arebbi ḏ yinni war itṭiƹin ca i Lʼinjil n Siḏiṯneɣ Ƹisa.

Ayṯ-Ruma 6:17

Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican.

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Ayṯ-Ruma 10:16

Lʼinjil walakin war ṯ qbiȓen ca marra iwḏan. Aqa min iqqar nnabi Icaƹya zi zman:

1 Buṭrus 3:2

Yina ɣir aḏ ẓren ṯicri nkent ṯeṣfa tseḏḥant zzaysen ataf aḏ amnen.