1 Buṭrus 1:8 - Ṯarifiṯ 2020

⁸ Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

1 Buṭrus 1:8 Referans Kwoze

Yuḥanna 20:29

Inna-as Ƹisa: "Aȓ wami ḏayi ṯeẓriḏ, ƹaḏ iy ṯumneḏ? Ssaƹḏ n yinni war ḏayi ẓrin ca, umnen."

2 Ayṯ-Kurinṯ 5:7

Aqa netƹic s lʼiman maci s min netwaȓa.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

Yuḥanna 16:22

Uȓa ḏ kenniw ḏaywem ȓeḥȓiq ȓexxu, walakin akenniw ẓreɣ ƹaweḏ. Ȓexddenni aḏ tfarḥem s wuȓawen nwem, war ḏawem itekkes ȓefraḥeṯ nwem ḥadd.

2 Ayṯ-Kurinṯ 4:18

War nesrusi ca ṯiṭṭawin nneɣ ḏi min netwaȓa, nsrusa-ṯent ḏi min war netwiȓi ca. Liʼanna min netwaȓa ḏeɣya itraḥ, min war netwiȓi ca ḏ wenni ig itduman i ȓebda.

1 Buṭrus 1:6

S usenjem-a kenniw ṯfarrḥem waxxa ȓebƹaḍ zzaywem twaƹeddaben ȓexxu ḏi ȓemḥayen cwayt n ȓweqṯ.

Iƹibraniyen 11:27

S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.

1 Buṭrus 2:7

Fa azru-ya isewwa aṭṭas i kenniw iy yumnen, yinni war yuminen ca lla. Aqa yura ḏi Lkitab:

Ayṯ-Filippas 4:4

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.

Ayṯ-Ufasus 6:24

Aḏ yiȓi arḍa i marra yinni ig itḥibban Siḏiṯneɣ Ƹisa Lmasiḥ s yijjen n ȓemḥibbeṯ war ṯfenni ca ƹemmarṣ.

Ayṯ-Filippas 1:25

Aqayi teyyqeɣ s lwajib-a inu ssneɣ aḏ qqimeɣ aḏ siɣiɣ ḏanita akiḏwem bac aḏ tarnim ḏi lʼiman azzayes ṯfarḥem.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Yuḥanna 14:24

Wenni war ḏayi itḥibbin, ataf war ixeddem ca zeg wawaȓ inu. Awaȓen-a iy tesȓam war ǧin ca inu lla, n Baba iy ḏayi d issekken.

Yuḥanna 8:42

Inna-asen Ƹisa: "Lla, maƹlik Babaṯwem ḏ Arebbi, ataf tḥibbim-ayi minzi nec ffɣeɣ-d zi Arebbi usiɣ-d. War d usiɣ ca zeg yixef inu; Lla, ḏ Baba iy ḏayi d issekken.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

2 Ayṯ-Kurinṯ 9:15

A neḥmeḏ Arebbi x lhadiya nni nnes, war nzemmar at newṣef.

Ȓexḏayem 16:34

Yuwi-ṯen ɣar ṯeddarṯ nnes yuca-asen aḏ ccen. Ifareḥ netta ḏ marra ȓeḥbab nnes minzi umnen zi Arebbi.

Yuḥanna 14:21

Wenni ɣar ǧant ȓuṣiyaṯ inu ixeddem zzaysent, ataf itḥibba-ayi. Wenni ḏayi itḥibban, ataf aṯ iḥibb uȓa ḏ Baba. Aṯ ḥibbeɣ uȓa ḏ nec, aḏas d smeḍhareɣ ixef inu."

Yuḥanna 14:15

Meȓa tḥibbim-ayi kenniw, ggeṯ zi ȓuṣiyaṯ inu.

Matta 10:37

Wenni xef iƹizz babas niɣ ḏ yemmas ktar zzayi nec, ataf war ḏayi isḏiheǧ ca. Wenni xef iƹizz mmis niɣ ḏ yeǧis ktar zzayi nec, ataf war ḏayi isḏiheǧ ca.

1 Ayṯ-Kurinṯ 16:22

Wenni war ixsen ca Siḏiṯneɣ aḏ itwaḥarrem. Araḥ-d a Mawlana!

Ayṯ-Ufasus 3:19

Aḏ tessnem ƹaweḏ mliḥ ȓemḥibbeṯ-a ṯanita n Lmasiḥ mecḥaȓ ṯemɣer x marra ṯusna ḏi ddunect-a bac aḏ teccarem s min iccur Arebbi.