1 Buṭrus 1:6 - Ṯarifiṯ 2020

⁶ S usenjem-a kenniw ṯfarrḥem waxxa ȓebƹaḍ zzaywem twaƹeddaben ȓexxu ḏi ȓemḥayen cwayt n ȓweqṯ.

1 Buṭrus 1:6 Referans Kwoze

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

Ayṯ-Ruma 12:12

Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Matta 5:12

Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Yuḥanna 16:22

Uȓa ḏ kenniw ḏaywem ȓeḥȓiq ȓexxu, walakin akenniw ẓreɣ ƹaweḏ. Ȓexddenni aḏ tfarḥem s wuȓawen nwem, war ḏawem itekkes ȓefraḥeṯ nwem ḥadd.

Matta 11:28

A yinni yuḥȓen s dqeȓ iy ṯarbum, araḥem-d ɣari marra kenniw nec akenniw sreyyḥeɣ.

Ayṯ-Ruma 5:11

War iǧi ɣir manaya waha, neccin nfarreḥ zi Arebbi s Siḏiṯneɣ Ƹisa Lmasiḥ wenni iy ḏaneɣ isemṣȓaḥen akiḏes.

Ȓexḏayem 14:22

Ggin uȓ ḏeg imeḥḍaren nni, cejjƹen-ṯen bac aḏ arnin ḏi lʼiman nsen. Qqaren-asen: U labud axaneɣ ṯekk aṭṭas n tamara bac neccin ȓmuminin a naḏef ḏi ȓmulk n Arebbi.

Luqa 10:20

Innama, war farrḥeṯ ca wami jnun ḏawem teggen array. Lla, farḥeṯ wami isemawen nwem urin zemmen ḏeg ujenna."

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

Yaƹqub 4:9

Xeyyqem, ḥeznem, trum. Beddȓem ṯaḍeḥḥact nwem ɣar imeṭṭawen ḏ ȓefraḥeṯ nwem ɣar uxiyyeq.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Yaƹqub 1:9

Fa itxeṣṣa-yas i ȓmeskin ig yumnen aḏ iftaxar minzi isgaƹƹeḏ-iṯ Arebbi.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

2 Ayṯ-Kurinṯ 6:10

neccin netwazeyyar walakin ȓebda nfarreḥ; neccin ḏ ipubriṯen nserbaḥ aṭṭas n yiwḏan; war ɣarneɣ walu walakin ɣarneɣ kuȓci.

1 Ayṯ-Salunik 1:6

Kenniw ṯebḏam teggem mamc ntegg neccin ḏ mamc itegg Siḏiṯneɣ liʼanna kenniw ḏi ȓwesṭ n waṭṭas n tamara ṯqebȓem awaȓ nneɣ s ȓefraḥeṯ iy d yusin zi Arruḥ iqeddsen.

Ayṯ-Filippas 4:4

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Ruma 9:2

Iƹni, isḥerreq-ayi ijjen n ȓeḥriq aṭṭas ḏeg wuȓ inu war itkemmiȓ ca x ssabab n ȓqum inu, iƹni yinni iǧan zi lʼumma inu. Maƹlik zemmareɣ nec, aḏ twaneƹȓeɣ aḏ twaḥarrmeɣ zi Lmasiḥ bac niṯni war twaneƹƹiȓen ca war twaḥarrimen ca zi Lmasiḥ.

Ayṯ-Filippas 2:26

Itweḥḥac-ikenniw aṭṭas marra iḏwem, iysi xawem amnus ƹaweḏ wami d ṯarrim ȓexbar tuɣa ihȓec.

Luqa 2:10

Ṯenna-asen lmalaʼika nni: "War teggwḏem ca. Aqa nec tbeccareɣ-kenniw s yijjen n ȓexbar imɣar aṭṭas azzayes ifareḥ marra ccaƹb.

Luqa 1:47

arruḥ inu ifareḥ zi Arebbi iy ḏayi isnejmen.

Matta 26:37

Yuwi akiḏes Buṭrus ḏ ṯnayen n ṯarwa n Zabadi, ibḏa itnexȓaƹ itxeyyaq.

1 Buṭrus 3:17

Cuf, meȓa ixes Arebbi ataf ḥsen aḏ twaƹeddbem ƹlaḥsab ȓxir iy teggem maci ƹlaḥsab ccarr.