1 Buṭrus 1:1 - Ṯarifiṯ 2020

¹ Nec ḏ Buṭrus ḏ arrasul n Ƹisa Lmasiḥ. Tsekkiɣ-d ṯabrat-a i yinni ig ixḍar Arebbi iy iǧan ḏ iƹezzaben itemzeǧaƹen ḏi lʼiqlim n Punṭus ḏ lʼiqlim n Galaṭya ḏ lʼiqlim n Kafadusya ḏ lʼiqlim n Asya ḏ lʼiqlim n Biṯanya.

1 Buṭrus 1:1 Referans Kwoze

Yaƹqub 1:1

Nec ḏ Yaƹqub ḏ ȓƹabḏ n Arebbi ḏ ȓƹabḏ n Siḏiṯneɣ Ƹisa Lmasiḥ, tseǧameɣ x ṯenƹac n ṯqebbaȓ n ȓmuminin iy itemzeǧaƹen x ṯmura.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Ayṯ-Ufasus 2:19

Iḏen, ȓexxu kenniw war ṯeqqimem ca ḏ ibarraniyen niɣ ḏ imezḏaɣ. Lla, ȓexxu kenniw ḏ imƹacaren ak ṣṣaliḥin iƹni yuca-awem Arebbi ljinsiya akiḏsen ṯḏewȓem ḏ ȓeḥbab n ṯeddarṯ n Arebbi.

Ȓexḏayem 8:4

Ȓmuminin nni imesfraqen traḥen zeg umcan ɣar umcan tbeccaren s wawaȓ n Arebbi.

Yuḥanna 11:52

War iǧi bu x lʼumma n Ayṯ-Israʼil waha, uȓa ḏ ṯarwa n Arebbi itemzeǧaƹen ḏi ṯmura, aṯen ismun Arebbi ḏ ijjen.

Matta 24:22

Maƹlik Siḏi Arebbi war isenqis ca ḏi ȓiyyam nni n tamara-ya iy d ɣa yasen, ataf war inejjem uȓa ḏ ijjen. X ssabab n yinni ixḍar Arebbi, ataf aḏ isenqes ȓiyyam nni iy d ɣa yasen.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

2 Ayṯ-Kurinṯ 1:8

Ay ayṯma, nexs aḏ tessnem tamara iy xaneɣ ikkin ḏi lʼiqlim n Asya. Tuɣa netwazeyyar aṭṭas neccin, azeyyar nni tuɣaṯ ktar zi jjheḏ nneɣ war nzemmar azzayes neṣbar ḥetta wami nefqeḏ lʼamal bac a neddar.

Ȓexḏayem 18:2

Yufa ḏinni ijjen n uʼisraʼili netta ḏ mmis n lʼiqlim n Punṭus qqaren-as Akilas. Netta tuɣa yusa-d ḏeg wussan nni zi ṯmurṯ n Iṭalya netta ḏ ṯemɣarṯ nnes umi qqaren Priskila. Liʼanna Lmalik Kludyus tuɣa yumar x marra Ayṯ-Israʼil aṯen sufɣen zi Ruma. Iruḥ Bulus ɣar Wakilas ḏ Priskila aṯen iẓer. Iqqim akiḏsen, ixeddem akiḏsen minzi niṯni ȓxeḏmeṯ nsen ḏ icten teggen iqiḍan.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

2 Timutawus 1:15

Cek ṯessneḏ belli marra yinni iǧan ḏi lʼiqlim n Asya semḥen ḏayi uȓa ḏ Fixulus ḏ Hirmujinus.

Ayṯ-Galaṭya 1:2

Tariɣ ṯabrat-a nec ḏ marra ayṯma iǧan akiḏi ɣar ṯjumaƹ n ȓmuminin iǧan ḏi jwayeh n Galaṭya.

1 Ayṯ-Kurinṯ 16:19

Ṯijumaƹ n ȓmuminin ḏi lʼiqlim n Asya tseǧament-id xawem. Akilas ḏ Priskila ḏ yinni iǧan ḏi jmaƹeṯ n ȓmuminin ḏi ṯeddarṯ nsen tseǧamen-d xawem aṭṭas ḏi Siḏiṯneɣ.

Ȓexḏayem 19:10

Iqqim Bulus itegg manayenni ƹamayen. Marra imezḏaɣ n lʼiqlim n Asya sȓin i wawaȓ n Siḏi Arebbi, Ayṯ-Israʼil ḏ iyunaniyen s ṯnayen iḏsen.

Ȓexḏayem 18:23

Wami iy ḏayes ikka can ȓweqṯ, iffeɣ iƹḏu ḏi jwayeh n Galaṭya ḏ jwayeh n Frijya itegg uȓ ḏeg imeḥḍaren nni iy iǧan ḏinni marra.

Ȓexḏayem 6:9

Kkaren ȓebƹaḍ zi temziḏa umi qqaren Niṯni ḏ israʼiliyen n ṯendint n Lqurina ḏ ṯendint n Iskandariya ḏ inneɣni zi lʼiqlim n Kilikya ḏ lʼiqlim n Asya. Bḏan temnaqaren ak Stifan,

Yuḥanna 7:35

Mseqsan israʼiliyen jarasen nnan: "Mani ɣa iraḥ wanita war ṯ ntif ca? Ma aḏ iraḥ ɣar israʼiliyen iy itemzeǧaƹen ḏi ṯmura n iyunaniyen bac aḏ iseȓmeḏ iyunaniyen?

Matta 10:2

Ḏ yina ḏ isemawen n ṯenƹac n arrusul: Amezwaru nsen qqaren-as Simƹan maƹruf s Buṭrus ḏ wumas qqaren-as Andrus, ḏ mmis n Zabadi qqaren-as Yaƹqub ḏ wumas qqaren-as Yuḥanna,

Matta 4:18

Iggur Ƹisa x cceṭṭ n ȓebḥar n Ljalil, yufa ḏinni ṯnayen n iḥeǧaqen n iseȓman niṯni ḏ awmaṯen. Ijjen qqaren-as Simƹan tȓaɣan-as s Buṭrus, akiḏes umas qqaren-as Andrus. Neṭṭaren ṯracca ḏi ȓebḥar.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?