1 Ayṯ-Kurinṯ 9:5 - Ṯarifiṯ 2020

⁵ Neccin ma war ɣarneɣ bu ȓḥaqq a nawi akiḏneɣ ṯimɣarin ȓmuminaṯ mammec ggin arrusul nneɣni ḏ ayṯmas n Siḏiṯneɣ ḏ Buṭrus?

1 Ayṯ-Kurinṯ 9:5 Referans Kwoze

Yuḥanna 1:42

Issiweḍ-iṯ-iḏ ɣar Ƹisa. Wami ṯ iẓra Ƹisa inna-as: "Cek ḏ Simƹan mmis n Yuḥanna, zi ssa aȓ ṯsawent aḏac tȓaɣan Ṣifas." (Awaȓ-a Ṣifas ixes aḏ yini Buṭrus.)

Matta 8:14

Wami yuḏef Ƹisa ɣar ṯeddarṯ n Buṭrus, yufa ṯaḏeggwaȓṯ n Buṭrus ḏi ṯassuṯ ḏayes ṯimessi.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Ayṯ-Galaṭya 1:19

Nec ḏinni war ẓriɣ uȓa ḏ ijjen n arrasul nneɣni ɣir Yaƹqub umas n Siḏiṯneɣ.

1 Ayṯ-Kurinṯ 7:39

Ṯamɣarṯ imeȓcen nettaṯ ṯeqqen ɣar uryaz nnes meȓa iddar. Walakin meȓa immuṯ, nettaṯ ɣares ȓḥaqq aḏ temȓec ak wenni ṯxes nettaṯ meȓa netta ḏ ȓmumen zi Siḏiṯneɣ.

1 Ayṯ-Kurinṯ 7:7

Rezzuɣ marra iryazen aḏ iȓin am nec. Walakin kuȓ ijjen ɣares ṯizemmar iy ḏas yuca Arebbi, ijjen ɣares ṯin, ijjen ɣares ṯa.

Ȓexḏayem 1:14

Yina kuȓ nhar tmunen marra s yijjen n lfikra tẓaǧan, akiḏsen can n ṯemɣarin ḏ Maryam yemmas n Ƹisa ḏ ayṯmas.

Titus 1:6

Ameqqran-a maci aḏ yiȓi ḏ ijjen n bnaḏem tƹeyyaben-ṯ yiwḏan. Aɣares ṯiȓi ijjen n ṯemɣarṯ waha aḏ iȓin iḥenjiren nnes ḏ ȓmuminin. Maci axasen inin yiwḏan teggen lmadella n ssekra niɣ war tseḏḥin ca.

1 Timutawus 5:2

Ṯiwessura egg-iṯent am yemmaṯac. Ṯiḥenjirin egg-iṯent am suyṯmac s yijjen n wuȓ iṣfa.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Ayṯ-Kurinṯ 7:15

Innama, wenni niɣ ṯenni war yuminen ca meȓa ismeḥ, ṣafi aḏ ismeḥ. Iƹni ȓmumen-a ḏ ȓmumna-ya ɣarsen lḥurriya s ḍḍuruf-a liʼanna iȓaɣa-yawem-d Arebbi aḏ tƹicem ḏi ȓehna.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

Ayṯ-Ruma 16:1

Fa tweṣṣiɣ-kenniw x učmaṯneɣ Fifi ig ixeddmen i jmaƹṯ n ȓmuminin ḏi ṯendint n Kanxarya.

Yuḥanna 2:12

Menbaƹd i manaya ihwa ɣar ubilaj n Kafernaḥum, netta ḏ yemmas ḏ ayṯmas ḏ imeḥḍaren nnes, qqimen ḏinni ḏrus n wussan.

Luqa 6:15

ḏ Matta, ḏ Tuma, ḏ Yaƹqub mmis n Ḥalfa, ḏ Simƹan umi qqaren ,

Marqus 6:3

Ma war iǧi ca wanita ḏ anejjar mmis n Maryam umas n Yaƹqub ḏ Yusis ḏ Yahuḏa ḏ Simƹan, suyṯmas aqaṯent ḏanita akiḏneɣ?" X manayenni war ṯ qbiȓen ca.

Marqus 1:30

Yufa ṯaḏeggwaȓṯ n Simƹan ṯezzeȓ ḏi ṯassuṯ ḏayes ṯimessi. Ȓexddenni ƹawḏen-as xas.

Matta 13:55

Ma war iǧi ca wanita ḏ mmis n unejjar? Ma war iǧi yemmas ḏ Maryam? Ayṯmas ijjen qqaren-as Yaƹqub, ijjen ḏ Yusef, ijjen ḏ Simƹan, ijjen ḏ Yahuḏa ma lla?

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

1 Ayṯ-Kurinṯ 7:8

Fa ȓexxu aḏ ssiwȓeɣ x yinni war imȓicen ca ḏ ṯajjaȓin. Iƹni mliḥ meȓa qqimen am nec.

Luqa 8:20

Nedqen-d can yiwḏan nnan-as: "Aqa yemmac ḏ ayṯmac bedden ɣar barra rezzun acek ẓren."