1 Ayṯ-Kurinṯ 9:20 - Ṯarifiṯ 2020

²⁰ Nec arriɣ ixef inu am yijjen ḏ aʼisraʼili ɣar Ayṯ-Israʼil bac ataf aṯen rebḥeɣ. Arriɣ ixef inu am yijjen minxef ṯḥekkem Ccariƹa n Musa ɣar yinni minxef ṯḥekkem Ccariƹa n Musa bac ataf aṯen rebḥeɣ (waxxa nec war xafi ṯḥekkem ca ccariƹa nni).

1 Ayṯ-Kurinṯ 9:20 Referans Kwoze

Ȓexḏayem 16:3

Igga-as ṭṭahareṯ Bulus wami ixes aṯ yawi akiḏes. Igga-as amenni ƹlaḥsab israʼiliyen iǧan ḏeg imucan nni niṯni marra ssnen belli babas ḏ ayunani.

Ayṯ-Galaṭya 5:18

U meȓa ȓxaḍar n Arruḥ iqeddsen indeh-ikenniw, ataf war xawem ṯḥekkim ca ccariƹa.

Ayṯ-Galaṭya 4:21

Inim-ayi kenniw itexsen axawem ṯḥekkem Ccariƹa n Musa. Ma war ṯessinem min ḏayes ḏi ccariƹa nni niɣ?

Ayṯ-Galaṭya 4:5

Mayemmi? Ḥima aḏ iqeddem lfidya x yinni iy xef ṯḥekkem Ccariƹa n Musa bac aḏaneɣ itbenna Arebbi a niȓi ḏ ṯarwa nnes.

Ayṯ-Ruma 11:14

Rezzuɣ aḏ snekkareɣ lɣira ḏeg ayṯma israʼiliyen ḥima aḏ snejmeɣ ȓebƹaḍ zzaysen.

Ayṯ-Ruma 3:19

Fa neccin nessen belli marra min ḏayes ḏi ccariƹa n Musa tweṣṣa yinni ɣar ṯeǧa ccariƹa-ya bac uȓa ḏ ijjen war ɣares itiȓi bu lƹuder. U marra yinni iǧan ḏi ddunect-a aḏ iȓin swadday n lḥisab n Arebbi.

Ȓexḏayem 18:18

Iqqim ƹaḏ Bulus aṭṭas n wussan ḏi ṯendint n Kurinṯ. Ssenni imsafaḍ x ayṯmas ḏinni, inya ḏeg uɣarrabu iruḥ ɣar Surya akiḏes Priskila ḏ Wakilas. Tuɣa iḥeff Bulus acewwaf nnes ḏi ȓemwiyi umi qqaren Kanɣarya minzi tuɣa xas ȓƹaheḏ iy igga ak Siḏi Arebbi.

Ayṯ-Galaṭya 2:19

Ƹlaḥsab Ccariƹa n Musa nettaṯ s yixef nnes, nec mmuṯeɣ zaƹma i ȓeḥkam n Ccariƹa-ya xafi bac aḏ ddareɣ i Arebbi waha.