1 Ayṯ-Kurinṯ 8:13 - Ṯarifiṯ 2020

¹³ X manaya meȓa lmakla inu ṯɣeṭṭeȓ uma ḏi ȓmuƹṣiyeṯ, ataf ƹemmarṣ aḏ cceɣ aysum ƹaweḏ ḥima war ɣeṭṭȓeɣ ca uma.

1 Ayṯ-Kurinṯ 8:13 Referans Kwoze

Ayṯ-Ruma 14:21

Ḏ ijjen n ȓxir meȓa war tetteḏ ca aysum, niɣ war ṯsesseḏ ca aman uḍiȓ, niɣ ḏ can ȓḥajeṯ nneɣni iy ɣa iɣeḍȓen umac.

2 Ayṯ-Kurinṯ 11:29

Meȓa can yijjen iḍƹef, nec ma war teḍƹifeɣ ca? Meȓa can yijjen itwasufeɣ zeg ubriḏ, nec ma war ḏayi iteqqes ca wuȓ inu?

2 Ayṯ-Kurinṯ 6:3

War nesrusi walu ḏeg ubriḏ i ḥadd bac aṯ neɣḍeȓ ḥima war tifen bu ȓƹib ḏi ȓxeḏmeṯ nneɣ.

1 Ayṯ-Kurinṯ 13:5

aqa nettaṯ tseḏḥa. War ṯrezzu ca x min ṯenwa nettaṯ waha. War ishiȓ aḏ tƹeṣṣeb, meȓa ƹṣan-t tettu ḏeɣya.

1 Ayṯ-Kurinṯ 6:12

Nec ɣari marra ṯimesȓayin ḥeǧȓent, walakin war neffƹent ca marra ṯimesȓayin nni. Ɣari marra ṯimesȓayin ḥeǧȓent, walakin itxeṣṣa war xafi trayi uȓa ḏ ijjen n ṯmesȓayṯ.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

Matta 17:27

Walakin itxeṣṣa war nesxeyyeq ḥadd. Ruḥ ɣar ȓebḥar nḍar ṯiṣennarṯ ḏeg waman, asȓem nni iy ɣa ṯeṭṭfeḏ ḏ amezwaru, rzem-as aqemmum aḏayes ṯafeḏ ijjen n ṯpeyyast n nnuqarṯ. Ysi-t uc-asen-t, xeǧes xac ḏ xafi."

Ȓexḏayem 15:20

Walakin aḏasen nari ṯabrat-a ḥima aḏ beƹƹḏen x lmakla itwaqeddmen i lʼaṣnam ḏ lfasad ḏ min itwajeyyfen ḏ iḏammen.

Ayṯ-Ruma 14:13

Iḏen zi ssa aȓ ṯsawent itxeṣṣa-yaneɣ u labud war netƹeyyib ca x wayawya; Lla, itxeṣṣa-kenniw aḏ tfekkarem mliḥ ḥima war ṯɣeṭṭȓem ca ijjen wumaṯwem niɣ aṯ tesfecȓem.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.