1 Ayṯ-Kurinṯ 7:30 - Ṯarifiṯ 2020

³⁰ ḏ yinni itxeyyaqen axmi war txeyyiqen ca, ḏ yinni ifarrḥen axmi war farrḥen ca, ḏ yinni issaɣen axmi manayenni war zzayes tmelliken ca,

1 Ayṯ-Kurinṯ 7:30 Referans Kwoze

Yuḥanna 16:22

Uȓa ḏ kenniw ḏaywem ȓeḥȓiq ȓexxu, walakin akenniw ẓreɣ ƹaweḏ. Ȓexddenni aḏ tfarḥem s wuȓawen nwem, war ḏawem itekkes ȓefraḥeṯ nwem ḥadd.

Luqa 6:25

Ya ȓefḍiḥeṯ nwem a yinni ijjiwnen ȓexxu, minzi akenniw iȓqef jjuƹ. Ya ȓefḍiḥeṯ nwem a yinni iḍeḥcen ȓexxu, minzi aḏ txeyyqem aḏ trum.

Luqa 6:21

Ssaƹḏ nwem a yinni iǧuzen, aqa aḏ tejjawnem. Ssaƹḏ nwem a yinni itrun, aqa aḏ tḍeḥcem.

Lwaḥi 18:7

Mecḥaȓ ma ṯsemɣer ixef nnes, mecḥaȓ ma ṯƹic ḏi ccehweṯ nnes, anectenni iy t ɣa ṯƹeddbem, anectenni iy t ɣa ṯesxeyyqem. Liʼanna nettaṯ ṯeqqar ḏeg wuȓ nnes: Aqa qqimeɣ ḏa am lmalika, nec war ǧiɣ ca ḏ ṯajjaȓṯ, ƹemmarṣ aḏ ḥezneɣ.

Lwaḥi 7:17

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."

Luqa 16:25

Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.

1 Ayṯ-Kurinṯ 7:29

Fa ay ayṯma, min rezzuɣ aḏ iniɣ? Ȓweqṯ aqa ṯqarreb-d. Ssa aȓ ṯsawent yinni imeȓcen aḏ ƹicen axmi war mȓicen ca,

1 Ayṯ-Kurinṯ 7:31

ḏ yinni ineffƹen zi ddunect-a axmi manayenni war zzayes neffƹen ca. Mayemmi? Minzi ṭṭabiƹa n ddunect-a war tdumi ca.