1 Ayṯ-Kurinṯ 7:14 - Ṯarifiṯ 2020

¹⁴ Cuf, aryaz maci ḏ ȓmumen aqaṯ swadday i lƹinaya n Arebbi s ṯemɣarṯ nnes. Ṯamɣarṯ maci ḏ ȓmumna aqat swadday i lƹinaya n Arebbi s uryaz nnes. Meȓa maci amenni, ṯarwa nwem aḏ iȓin s barra n lƹinaya n Arebbi. Walakin ȓexxu aqaṯen swadday i lƹinaya nnes.

1 Ayṯ-Kurinṯ 7:14 Referans Kwoze

Titus 1:15

Aqa yinni ig iǧan ṣfan ataf qaƹ ṯimesȓayin aḏaysen iȓint ṣfant. Walakin yinni ixenzen war uminen ca ataf war ḏaysen tiȓi uȓa ḏ ijjen n ṯmesȓayṯ ṯeṣfa. Ataf ȓƹaquȓaṯ nsen ḏ ḍḍamiraṯ nsen s ṯnayen texnizen.

1 Timutawus 4:5

Aqa manaya iḥeǧeȓ ḥalal ƹlaḥsab awaȓ n Arebbi ḏ ṯẓaǧiṯ.

Ayṯ-Ruma 11:16

Meȓa ṯqerrṣeḏ cwayt zeg urecṯi iṣfan ṯqeddmeḏ-ṯ i Arebbi, ataf aḏ yiȓi amenni iṣfa urecṯi nni amen-ikmaȓ. U meȓa aḏ iȓin iẓewran n ṯcejjarṯ ṣfan, ataf aḏ iȓin uȓa ḏ ȓefruƹ, iƹni ṯiseḍwin.

Ȓexḏayem 10:23

Ikkar Buṭrus isiḏef-iṯen ɣar ḏaxeȓ isnewjew-iṯen. Ṯiwecca nnes iruḥ akiḏsen Buṭrus. Munen akiḏes ȓebƹaḍ n ayṯmas zi ṯendint n Yafa.

1 Ayṯ-Kurinṯ 7:13

Ƹaweḏ ṯamɣarṯ, meȓa ɣares aryaz maci ḏ ȓmumen iqbeȓ akiḏes iƹic, memnuƹ aḏas ṯeǧef.