1 Ayṯ-Kurinṯ 6:7 - Ṯarifiṯ 2020

⁷ Xmi kenniw temcarraƹem ak wayawya, ataf ṣafi ṯexsarem. Iwa ḥsen i kenniw meȓa twaḍeȓmem niɣ twaɣeccem.

1 Ayṯ-Kurinṯ 6:7 Referans Kwoze

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

Luqa 6:29

Wenni c ɣa yuwṯan ɣar umeggiz nnec, uc-as cek uȓa ḏ ameggiz nnec nneɣni. Wenni ḏac ɣa iysin azeǧab nnec, ejj-iṯ cek aḏac iysi uȓa ḏ ṯaqmijat nnec.

Luqa 19:8

Ibedd Zaki inna-as i Siḏiṯneɣ: "A Siḏi, aḏ uceɣ azyen n wagȓa inu i ȓmusakin. Meȓa cemṯeɣ can yijjen aḏas arniɣ arbeƹa n ṯseqqar."