1 Ayṯ-Kurinṯ 4:16 - Ṯarifiṯ 2020

¹⁶ Iḏen, tcejjaƹeɣ-kenniw aḏayi ṯqelldem mamc teggeɣ nec.

1 Ayṯ-Kurinṯ 4:16 Referans Kwoze

2 Ayṯ-Salunik 3:9

Negga manayenni maci war ɣarneɣ bu ȓḥaqq aḏaneɣ ṯƹawnem; Lla, nseḍhar-awem-d abriḏ iy ɣa ṯeḏfarem.

Ayṯ-Filippas 3:17

Ay ayṯma, muneṯ ak yinni iteggen am nec. Xzareṯ mliḥ ɣar yinni igguren ḏeg ubriḏ nneɣ.

1 Ayṯ-Kurinṯ 11:1

Ḏeffarem-ayi-d mammec ḏeffareɣ nec Lmasiḥ.

1 Ayṯ-Salunik 1:6

Kenniw ṯebḏam teggem mamc ntegg neccin ḏ mamc itegg Siḏiṯneɣ liʼanna kenniw ḏi ȓwesṭ n waṭṭas n tamara ṯqebȓem awaȓ nneɣ s ȓefraḥeṯ iy d yusin zi Arruḥ iqeddsen.

Iƹibraniyen 13:7

Ƹeqȓeṯ x yinni iy xawem itrayyan iƹni yinni issiwȓen akiḏwem s wawaȓ n Arebbi. Fekkareṯ ḏi min urwen niṯni s ṯuḏarṯ nsen, ggeṯ mammec iy ggin niṯni s lʼiman nsen.

Ayṯ-Filippas 4:9

Min ṯȓemḏem ḏ min ṯqebȓem zzayi ḏ min ṯesȓim ḏ min ṯeẓrim xafi itxeṣṣa u labud aḏ tesxeḏmem ṯimesȓayin-a. Ṯumma akiḏwem yiȓi Arebbi n ȓehna.

1 Buṭrus 5:3

Maci axasen tḥekmem s uziyyar x yinni iy xef tkellafem; Lla, aḏ tiȓim ḏ lmiṯal i ṯḥimerṯ iy ɣa tebƹen.