1 Ayṯ-Kurinṯ 4:14 - Ṯarifiṯ 2020

¹⁴ Maci uriɣ ṯimesȓayin-a bac akenniw feḍḥeɣ; Lla, uriɣ-ṯent bac akenniw nhiɣ am ca n ṯarwa inu iƹizzen.

1 Ayṯ-Kurinṯ 4:14 Referans Kwoze

1 Ayṯ-Salunik 2:11

Ntegg akiḏwem am yijjen n uryaz ak ṯarwa nnes. Netweṣṣa-kenniw netcejjaƹ-ikenniw netzeyyar xawem

3 Yuḥanna 1:4

Farrḥeɣ aṭṭas s waṭṭas war zemmareɣ aḏ arniɣ xmi tesȓiɣ ṯarwa inu gguren nican x ubriḏ n lḥaqiqa.

1 Ayṯ-Kurinṯ 9:15

Walakin nec war ksiɣ ca uȓa ḏ ijjen zi ȓḥuquq nni. Ƹaweḏ nec war tariɣ ca ṯabrat-a ȓexxu ḥima ataf kenniw aḏayi ṯucem ȓḥuquq nni; Lla, nec ḥsen meȓa mmuṯeɣ qbeȓ ma aḏayi ikkes ḥadd manaya minzi ɣa ftaxreɣ.

1 Ayṯ-Kurinṯ 4:15

Waxxa akiḏwem ƹecraȓaf n lmurebbiyin ḏi Lmasiḥ, war ɣarwem ca aṭṭas n babaṯwem. Liʼanna ḏi Ƹisa Lmasiḥ nec ḏ babaṯwem ḏi Lʼinjil.

1 Ayṯ-Salunik 5:14

Ay ayṯma, nhaṯ yinni itbaƹen farq-ccɣeȓ, cejjƹeṯ yinni itefciȓen, ƹawneṯ yinni iteḍƹifen, ṣebbareṯ ak marra.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 11:11

Mayemmi? Ma war kenniw texseɣ ca? Qa Arebbi issen belli ṯƹizzem xafi.

2 Ayṯ-Kurinṯ 7:3

War qqareɣ ca manaya bac akenniw ƹeyybeɣ lla. Ȓaḥeqqac nniɣ-awem qbeȓ qa kenniw ḏeg wuȓawen nneɣ, a nemmeṯ niɣ a neddar akiḏwem.

1 Ayṯ-Kurinṯ 15:34

Arrem-d ȓbaȓ nwem, war ƹeṣṣaṯ ca. Qqareɣ-awem manaya bac aḏ tseḏḥam minzi ȓebƹaḍ zzaywem ḏaysen ȓeqfareṯ x Arebbi.

1 Ayṯ-Kurinṯ 6:5

Qqareɣ-awem manaya ḥima aḏ tseḏḥim. Ma ḏ ṣṣaḥ war ḏinni ḥadd jarawem ḏayes ȓefhameṯ ḥima aḏ iḥell ccikayaṯ-a jar ȓmuminin?

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

1 Ayṯ-Kurinṯ 4:17

X manayenni iy xef kenniw d ssekkiɣ Timutawus. Netta iƹizzen xafi am can memmi, ḏayes ttiqeṯ ḏi Siḏiṯneɣ. Akenniw isfekkar x ibriḏen inu ḏi Lmasiḥ mammec ṯen seȓmaḏeɣ ḏi marra imucan ḏ marra ṯijumaƹ n ȓmuminin.

2 Ayṯ-Salunik 3:14

Wenni war itṭiƹin ca i wawaȓ nneɣ ḏi ṯebrat-a ggem-ṯ ḏi ȓbaȓ nwem, war kiḏes ggurem ca bac aḏ iseḏḥa.

Filimun 1:10

Tettareɣ-cek x Wanisamu wenni iǧan am memmi, arriɣ-ṯ nec ḏ mmi wami tuɣaṯ akiḏi ḏi ȓeḥbes.

1 Yuḥanna 2:1

A iḥenjiren inu, tariɣ-awem-d ṯimesȓayin-a ḥima war ṯƹeṣṣim ca Arebbi. Walakin meȓa neƹṣa-ṯ aqa ɣarneɣ ijjen n lwasiṭ ak Arebbi Babaṯneɣ netta ḏ Ƹisa Lmasiḥ wenni ig iǧan nican.