1 Ayṯ-Kurinṯ 4:13 - Ṯarifiṯ 2020

¹³ Meȓa niṯni qqaren xaneɣ ȓbaṭeȓ, neccin ntarra-d xasen s yijjen n lʼiḥsan. Qa neccin ƹaḏ aȓ ȓexxu neḏweȓ am ṯzewbayṯ n ddunect-a ḏ zzbeȓ n marra yiwḏan.

1 Ayṯ-Kurinṯ 4:13 Referans Kwoze

Ȓexḏayem 22:22

Sȓin mliḥ i Bulus ḥetta aȓ wami inna awaȓ-a aneggaru. Ȓexddenni snekkaren xas ṯɣuyyeṯ nnan: Mḥaṯ aryaz-a zi ddunect-a, war isḏiheǧ ca aḏ iqqim ƹaḏ iddar!

2 Ayṯ-Kurinṯ 6:8

Netqeddam-awem ixef nneɣ liʼanna iwḏan tweqqaren-aneɣ sbehdaȓen-aneɣ; qqaren ḏayneɣ ȓbaṭeȓ semɣaren-aneɣ; tarran-aneɣ ḏ iɣeccacen walakin neccin war ḏayneɣ bu ixarriqen;

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.