1 Ayṯ-Kurinṯ 4:10 - Ṯarifiṯ 2020

¹⁰ Neccin ḏ ibuhaȓiyen zaƹma ƹlaḥsab Lmasiḥ, y kenniw ma ḏ imiɣisen ḏi Lmasiḥ? Neccin neḍƹef, y kenniw ma ṯjehḏem? Karrmen-kenniw, neccin sbehdaȓen-aneɣ.

1 Ayṯ-Kurinṯ 4:10 Referans Kwoze

1 Ayṯ-Kurinṯ 2:3

Tuɣa aqayi akiḏwem s yijjen n ḍḍuƹef ḏ yijjen n ṯiggwḏi, terjijiɣ aṭṭas.

Ȓexḏayem 26:24

Bulus netta aqaṯ ƹaḏ issawaȓ itḏafaƹ x yixef nnes, ikkar lwali Fastus inna-as s jjheḏ: "A Bulus, cek ma ṯeflippaḏ? Ṯɣuri nnec ṯemɣar qa ṯesbuheȓi-yic!"

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.

2 Ayṯ-Kurinṯ 13:9

Liʼanna nfarreḥ meȓmi ma neḍƹef, kenniw tiȓim ṯjehḏem. Ḏ manaya mixef nrezzu ḏi ṯẓaǧiṯ nneɣ aḏ tṣeȓḥem nican.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.

2 Ayṯ-Kurinṯ 11:29

Meȓa can yijjen iḍƹef, nec ma war teḍƹifeɣ ca? Meȓa can yijjen itwasufeɣ zeg ubriḏ, nec ma war ḏayi iteqqes ca wuȓ inu?

2 Ayṯ-Kurinṯ 11:19

Ma kenniw zaƹma ṯfehmem mliḥ? Iwa, mayemmi s ȓefraḥeṯ ṯṣebbarem ibuhaȓiyen?

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

1 Ayṯ-Kurinṯ 4:8

Kenniw, ma ṣaaaafi ɣarwem marra min teḥḏajim? Ma ṣaaaafi kenniw ṯḏewȓem ḏ twajar? Kenniw, ma ḏ ṣṣaḥ ṯḏewȓem ḏ izeǧiḏen bȓa neccin?! Iwa mecḥaȓ xseɣ bac aḏ yiȓi ḏ ṣṣaḥ kenniw teḥkamem ḥima aḏ tcarcem akiḏneɣ ȓeḥkam nni nwem.

1 Ayṯ-Kurinṯ 3:2

Uciɣ-awem aḏ tḥeȓwem aɣi waha maci lmakla ḏ ṣṣaḥ, lmakla ḏ ṣṣaḥ tuɣa war ḏas ṯzemmarem ca. Aqa ƹaḏ ȓexxu war ḏas ṯzemmarem ca,

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ȓexḏayem 9:16

Nec aḏas d seḍhareɣ mecḥaȓ iy ɣa itwaƹeddeb u labud x ssabab n yisem inu nec."

Luqa 18:9

Issiweȓ s ȓmaƹna-ya ak can yiwḏan tuɣa tarran ixef nsen nican, tḥeggaren inneɣni:

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Luqa 6:22

Ssaƹḏ nwem meȓa tƹiffan-kenniw yiwḏan, war kenniw qebȓen ssawaȓen ḏaywem s ȓƹib, tzawaren-kenniw ƹlaḥsab Mmis n bnaḏem.

Matta 24:9

Ssenni akenniw sellmen yiwḏan ḥima akenniw ƹeddben, akenniw nɣen. Marra dduwal akenniw ƹiffen ƹlaḥsab isem inu.

Matta 5:11

Ssaƹḏ nwem meȓa tzawaren-kenniw, ƹeddben-kenniw, niɣ nnan ḏaywem ȓƹib s ixarriqen x ssabab inu.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 1:25

Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

2 Ayṯ-Kurinṯ 6:8

Netqeddam-awem ixef nneɣ liʼanna iwḏan tweqqaren-aneɣ sbehdaȓen-aneɣ; qqaren ḏayneɣ ȓbaṭeȓ semɣaren-aneɣ; tarran-aneɣ ḏ iɣeccacen walakin neccin war ḏayneɣ bu ixarriqen;

2 Ayṯ-Kurinṯ 4:12

X manaya xmi neccin netwajah ȓmewṯ, kenniw tiȓi ḏaywem ṯuḏarṯ.