23 Kenniw n Lmasiḥ, u Lmasiḥ netta n Arebbi.
Meȓa kenniw zi Lmasiḥ ataf kenniw ḏ ṯarwa n Brahim ɣarwem lwareṯ nni ƹlaḥsab minzi ṯ iwƹeḏ Siḏi Arebbi.
Walakin kuȓ ijjen nnubeṯ nnes: Lmasiḥ netta ḏ ṯafeǧaḥṯ ṯamezwarut. Xmi d ɣa iƹqeb netta, aḏ d tas nnubeṯ n yinni iǧan zzayes netta.
Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.
Mammec ḏayi ṯessekkeḏ cek ɣar ddunect, uȓa ḏ nec ssekkeɣ-ṯen ɣar ddunect.
Kenniw ṯxezzarem ɣar min d itbanen x wuḏem waha. Meȓa can yijjen metʼakked netta zi Lmasiḥ u labud aḏ ifekkar uȓa ḏ neccin zi Lmasiḥ am netta.
Neccin meȓa neddar, a neddar i Siḏi Arebbi. Meȓa nemmuṯ, a nemmeṯ i Siḏi Arebbi. Falihaḏa, meȓa neddar niɣ nemmuṯ neccin n Siḏi Arebbi.
Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.
U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.
Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.
Liʼanna wenni tuɣa iǧan ḏ ismeɣ wami ḏas d iȓaɣa Siḏiṯneɣ, netta ȓexxu ɣares ijjen n lḥurriya zi Siḏiṯneɣ. Amenni ƹaweḏ wenni tuɣa iǧan ɣares lḥurriya, netta ȓexxu iḏweȓ ḏ ismeɣ n Siḏiṯneɣ.
Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.
Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."
Xmi ɣa iȓint marra ṯimesȓayin-a swadday n ssulṭa n Lmasiḥ, ṯumma Mmis iƹni Lmasiḥ s yixef nnes aḏ iḏweȓ uȓa ḏ netta swadday n ssulṭa n Arebbi ig iggin marra ṯimesȓayin-a swadday n ssulṭa n Lmasiḥ. Ammu aḏ yiȓi Arebbi ḏ marra ḏi min ḏi ma.
