1 Ayṯ-Kurinṯ 2:8 - Ṯarifiṯ 2020

⁸ Ȓefhameṯ-a war t ifhim uȓa ḏ ijjen zi lḥukkam n ȓweqṯ-a. Lla, liʼanna maƹlik tuɣa t fehmen, iȓi war ṣelliben ca Siḏiṯneɣ ɣar ṯeǧa lƹaḍama.

1 Ayṯ-Kurinṯ 2:8 Referans Kwoze

Yaƹqub 2:1

Ay ayṯma, kenniw ṯumnem zi Siḏiṯneɣ Ƹisa Lmasiḥ iy ɣar ṯeǧa lƹaḍama, war teggeṯ ca s wuḏemawen jar yiwḏan.

Ȓexḏayem 13:27

Qa imezḏaɣ n Lquds ḏ arruyas nsen war ƹqiȓen ca Ƹisa-ya, war fhimen ca awaȓen n lʼanbiya ḏi Lkutub iy qqaren ḏi ṯemziḏawin zi ssebṯ ɣar ssebṯ. Wami ḥekmen x Ƹisa s ȓmewṯ ffɣen-d wawaȓen nni iy nnan lʼanbiya.

Ȓexḏayem 7:2

Inna-asen Stifan: "Ay ayṯma! A yinni imɣaren! Ṣennṭeṯ ɣari. Wami tuɣa iǧa jeddiṯneɣ Brahim ḏi ṯmurṯ nni n Misubuṭamya qbeȓ ma aḏ izḏeɣ ḏi ṯendint n Ḥaran, imeḍhar-as-d Arebbi Lƹaḍim

1 Ayṯ-Kurinṯ 2:6

Innama, neccin nessawaḍ ijjen n wawaȓ n ȓefhameṯ ɣar yinni war iqqimen ca ḏ imezyanen ḏi lʼiman nsen. Walakin ȓefhameṯ-a war d tis ca zi ȓweqṯ-a niɣ zi lḥukkam n ȓweqṯ-a ig igguren aḏ fnan.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

2 Ayṯ-Kurinṯ 3:14

Niṯni ȓaƹquȓaṯ nsen twaqesḥen war fehhmen ca. Aȓ nhara xmi ɣa ɣaren ḏi Ȓƹaheḏ nni aqḏim tafen ltam nni ƹaḏ ḏayes. Ltam nni war itwakkes ca, ɣir s Lmasiḥ iy ɣa itwakkes.

Yuḥanna 16:3

Niṯni teggen manaya minzi war ssinen ca Baba, war ḏayi ssinen uȓa ḏ nec.

Yuḥanna 8:19

Nnan-as: "Mani iǧa Babac?" Inna-asen Ƹisa: "Kenniw war ḏayi ṯessinem ca, war ṯessinem uȓa ḏ Baba. Maƹlik ḏayi ṯessnem aḏ tiȓi ṯessnem uȓa ḏ Baba."

Yuḥanna 7:48

Ma ṯufim can yijjen zi arruyas niɣ ḏ ifarrisiyen yumen zzayes?

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

1 Ayṯ-Kurinṯ 1:20

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.