1 Ayṯ-Kurinṯ 2:10 - Ṯarifiṯ 2020

¹⁰ Ṯimesȓayin nni ismeḍhar-aneɣ-ṯent-id Arebbi s Arruḥ nnes. Liʼanna Arruḥ n Arebbi ixezzar ḏi ṯmesȓayin marra, waxxa ḏ min yuǧɣen n Arebbi.

1 Ayṯ-Kurinṯ 2:10 Referans Kwoze

Yuḥanna 14:26

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Ayṯ-Ufasus 3:5

Ȓmaƹna-ya war ṯiḏ ismeḍhar ca Arebbi i ṯarwa n Adam ḏi zmanaṯ iy iƹḏun am mammec ṯiḏ ismeḍhar ȓexxu s Arruḥ iqeddsen i arrusul ṣṣaliḥin ak lʼanbiya.

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

Ayṯ-Galaṭya 1:12

War ḏayi d yusi zi ḥadd, war ḏayi ṯ sȓemḏen ca yiwḏan; Lla, netta ihwa-d xafi ḏ lwaḥi zi Ƹisa Lmasiḥ.

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

1 Buṭrus 1:12

Ismeḍhar-asen-d i lʼanbiya belli manaya war ṯ xeddmen ca i yixef nsen, xeddmen-ṯ i kenniw wami ssawaȓen s ṯmesȓayin-a. U ȓexxu nnan-awem ṯimesȓayin-a yinni iy kenniw itbeccaren s Lʼinjil s jjheḏ n Arruḥ iqeddsen iy ḏawem d itwassekken zeg ujenna. Waxxa ḏ lmalaʼikaṯ ḏaysent mezȓi aḏ xzarent ḏi ṯmesȓayin-a.

1 Yuḥanna 2:27

Kenniw, ddehneṯ nni iy zzayes ṯqebȓem ƹaḏ aqat ḏaywem. Kenniw war ṯeḥḏijem ḥadd akenniw iseȓmeḏ, aqa ddehneṯ nnes ṯseȓmaḏ-awem marra ṯimesȓayin. Nettaṯ ḏ ṣṣaḥ maci ḏ axarriq. Iwa mammec iy kenniw ṯseȓmaḏ ddehneṯ-a, amenni itxeṣṣa aḏayes ṯƹicem ḏi netta.

1 Ayṯ-Kurinṯ 2:11

Cuf, min iƹna wenni ig issnen lʼafkar n bnaḏem ɣar ḏaxeȓ? Issen-iṯent arruḥ n bnaḏem nni s yixef nnes. Kif-kif Arebbi, war ḏinni ḥadd issen lʼafkar n Arebbi illa Arruḥ n Arebbi waḥḏes.

1 Yuḥanna 2:20

Kenniw lla, twaḏehnem s ufus n Lƹaḍim, marra kenniw ṯessnem min iǧan.

1 Ayṯ-Kurinṯ 14:30

Meȓa ihwa-d ca n wawaȓ n lwaḥi x can yijjen jar n yinni iqqimen jarawem, ataf wenni issawaȓen ḏ amezwaru aḏ istuk.

Luqa 2:26

Tuɣa netta ixbar-iṯ Arruḥ iqeddsen war itmetti ca aȓ ɣa iẓer Lmasiḥ n Siḏ Arebbi.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

1 Timutawus 4:1

Fa iqqar Arruḥ iqeddsen nican bȓa ccekk ḏeg wussan-a ineggura aḏ semḥen ca n yiwḏan ḏi lʼiman nican aḏ ggen array i jnun iɣeddaren ḏ min seȓmaḏen ccayaṭin.

Lwaḥi 2:24

Amma kenniw nneɣni iy iǧan ḏi Ṯiyatra war ṯeqbiȓem ca ttaƹlim nni, war ṯessinem ca manayenni umi qqaren yiwḏan Qqareɣ-awem nec war xawem teggeɣ bu ca n dqeȓ nneɣni.