1 Ayṯ-Kurinṯ 16:9 - Ṯarifiṯ 2020

⁹ Aqa ṯnurzem-ayi-d ijjen n ṯewwarṯ ḏ ṯameqqrant i ȓxeḏmeṯ walakin yinni ig itƹarraḍen aqaṯen mujudin.

1 Ayṯ-Kurinṯ 16:9 Referans Kwoze

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ayṯ-Filippas 3:18

Liʼanna ḏinni aṭṭas n yinni igguren ḏ ȓƹaḏyan x ṣṣalib n Lmasiḥ. Awaȓ-a nniɣ-awem-ṯ zi qbeȓ, ȓexxu tƹawaḏeɣ-awem-ṯ s imeṭṭawen inu.

1 Ayṯ-Kurinṯ 15:32

Nec meȓa ƹlaḥsab ṯimesȓayin n ddunect-a waha, mayemmi menɣeɣ ak ȓuḥuc ḏi ṯendint n Ufasus? Min ɣa rebḥeɣ? Imettinen, meȓa war d tnekkaren ca zi ȓmewṯ, i mayemmi? "Yallah a necceṯ a nesweṯ, qa ṯiwecca a nemmeṯ."

2 Ayṯ-Kurinṯ 1:6

Meȓa netwazeyyar neccin aqa manayenni bac kenniw aḏ twaƹawnem bac aḏ twasnejjmem. Meȓa netwaƹawen neccin aqa manayenni bac ƹaweḏ aḏ twaƹawnem kenniw. Aqa amƹawan-a itarew-d ḏaywem ijjen n ṣṣbar xmi tƹeddabem s min netƹeddab neccin.

Yaƹqub 5:16

Ƹtarfeṯ s ȓmuƹṣiyaṯ nwem kenniw i wayawya, ẓẓaǧeṯ x wayawya ḥima aḏ tgenfam. Ṯẓaǧiṯ n bnaḏem ig iǧan nican nettaṯ ḏayes jjheḏ aṭṭas nettaṯ ṯefsus.