1 Ayṯ-Kurinṯ 15:51 - Ṯarifiṯ 2020

^51-52 Aqa qqareɣ-awem ijjen n ṯmesȓayṯ ȓmaƹna nnes inuffaren: Qa war netmetti ca s marra iḏneɣ. Xmi ɣa iṣuḍ zzammar aneggaru ataf a nbeddeȓ marra iḏneɣ ḏi ṣṣifeṯ nneɣni. Manaya aḏ yiȓi ḏeɣya ḏeg yijjen n warmac n ṯiṭṭ. Aḏ iṣuḍ zzammar nni ṯumma aḏ d twasnekkaren imettinen iƹni aḏ duman i ȓebda a niȓi nbeddeȓ ḏi ṣṣifeṯ nneɣni.

1 Ayṯ-Kurinṯ 15:51 Referans Kwoze

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

1 Ayṯ-Kurinṯ 15:6

Menbaƹd imeḍhar-asen-d i ktar zi xemsmiyya n wawmaṯen ḏi twaȓa ḏ icten. Niṯni ƹaḏ ddaren ƹaȓayen marra iḏsen, ȓebƹaḍ zzaysen aqa ṭṭṣen iƹni mmuṯen.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

Ayṯ-Ufasus 5:32

Ḏeg wawaȓ-a mixef nessawaȓ ḏayes ijjen n ȓmaƹna inuffaren yuǧeɣ aṭṭas. Qqareɣ nec belli ȓmaƹna-ya issawaȓ x Lmasiḥ ak jmaƹeṯ n ȓmuminin.

Ayṯ-Ufasus 3:3

Iƹni ȓmaƹna inuffaren x Lʼinjil ismeḍhar-ayi-iṯ-iḏ isehwa-ṯ-iḏ xafi s lwaḥi mamc ḏawem t uriɣ cwayt zi qbeȓ.

1 Ayṯ-Kurinṯ 15:18

Maƹlik amenni, iȓi yinni iṭṭṣen iƹni yinni immuṯen ḏi Lmasiḥ zaƹma ṣafi qa fnan.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

2 Ayṯ-Kurinṯ 5:2

Ȓexxu neccin nnehhek ḏayneɣ mezȓi a neɣmes s ddat nneɣ n ujenna.

2 Ayṯ-Kurinṯ 5:4

Liʼanna xmi netɣemmas s ddat-a nneɣ, tbessaȓ xaneɣ neccin ƹaḏ nnehhek. Iwa war nrezzu ca a niȓi bȓa arruḍ, nrezzu a neɣmes s ddat nneɣ n ujenna, mayemmi? Bac min ifennan aṯ iseɣȓey min war itmettin.