1 Ayṯ-Kurinṯ 14:6 - Ṯarifiṯ 2020

⁶ Fa ȓexxu ay ayṯma, meȓa usiɣ-d ɣarwem ssawaȓeɣ nec s lluɣaṯ ruḥiyaṯ, man nnfaƹ iy zi kenniw ɣa nefƹeɣ illa meȓa uwiɣ-awem-d can lwaḥi niɣ can ṯusna niɣ can wawaȓ iy ƹeȓmeɣ zi Arebbi niɣ can n ttaƹlim?

1 Ayṯ-Kurinṯ 14:6 Referans Kwoze

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

2 Timutawus 3:16

Aqa marra Ṯira Muqeddsin usint-id zi Arruḥ n Arebbi, neffƹent ḥima azzaysent nseȓmeḏ azzaysent nenha azzaysent nṣeḥḥeḥ azzaysent nrebba ƹlaḥsab ṣṣulḥ.

Ayṯ-Ruma 6:17

Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican.

1 Ayṯ-Kurinṯ 14:1

Ḏfareṯ abriḏ n ȓemḥibbeṯ, rzuṯ mliḥ x lqudraṯ ruḥiyaṯ xaṣṣatan ṯenni n wawaȓ itwaƹeȓmen zi Arebbi.

2 Yuḥanna 1:9

Wenni iruḥen ɣar ȓeggwaj war iqqim ca ḏi ttaƹlim n Lmasiḥ ataf war ɣares ca Arebbi. Wenni iqqimen ḏi ttaƹlim-a aɣares yiȓi Babaṯneɣ ak Mmis.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

2 Buṭrus 1:5

Fa x ssabab-a wanitan, ggeṯ lmejhud nwem marra bac aḏ tarnim min iǧan ḏ aṣebḥan ɣar lʼiman nwem; ssenni arnim ṯusna ak manaya iǧan ḏ aṣebḥan;

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

2 Timutawus 3:10

Walakin cek ṯessneḏ mliḥ ttaƹlim inu ḏ ubriḏ n ṯuḏarṯ inu ḏ lɣaraḍ inu ḏ lʼiman inu ḏ ttasiƹ n ȓxaḍar inu ḏ ȓemḥibbeṯ inu ḏ ṣṣbar inu

2 Timutawus 2:14

Sfekkar ȓmuminin x ṯmesȓayin-a. Ƹȓem-asen zzaṯ i Arebbi bac war tmenɣin ca x wawaȓen. Amenɣi nni war ḏayes walu, ɣir aḏ isufeɣ zeg ubriḏ yinni itsȓan.

Ayṯ-Filippas 3:15

Falihaḏa marra neccin ig itemɣuren ḏi lʼiman itxeṣṣa a nfekkar amenni. Meȓa kenniw war ṯfekkarem ca amenni ḏ Arebbi iy kenniw ɣa isfehmen.

Ayṯ-Ufasus 3:4

Xmi ɣa ṯɣarem manaya aḏ tessnem ȓefhameṯ inu iy ɣari ḏi ȓmaƹna-ya inuffaren x Lmasiḥ.

2 Ayṯ-Kurinṯ 12:7

Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.

2 Ayṯ-Kurinṯ 12:1

U labud aḏ ftaxareɣ ƹaḏ, waxxa war ḏayes bu nnfaƹ. Aḏ ssiwȓeɣ ȓexxu x ṯmesȓayin iy d ihwan ḏi lwaḥi ḏ ṯmesȓayin innufaren iy d isbeyyen Siḏiṯneɣ.

2 Ayṯ-Kurinṯ 11:6

U nec waxxa war ssineɣ ca lxuṭba inu mliḥ, war ḏayi ṯenqiṣ ca ṯusna. Neccin ṯusna-ya nesbeyyen-awem-t-id nican s marra ṯimesȓayin.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

Ayṯ-Ruma 15:14

Ay ayṯma, nec mteyyqen belli kenniw ṯeccurem s ȓxir ḏ marra ṯusna, ṯzemmarem aḏ tesȓemḏem ayawya.

Ȓexḏayem 2:42

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Matta 16:26

Minzi ɣa infeƹ bnaḏem meȓa irbeḥ ddunect-a qaƹ wa ixsar ȓaƹmar nnes? Min ɣa yuc bnaḏem ḏeg umcan n ȓaƹmar nnes?

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

1 Ayṯ-Kurinṯ 14:7

Amenni uȓa ḏ lʼalaṯ n lmusiqa war ḏaysent bu buḥbeȓ am ṯemja niɣ am ṯgambrit. Meȓa war ṯṣuḍeḏ nican war ṯneqṭeḏ war ḏac ticcen bu nneɣma, war ṯzemmareḏ aḏ tessneḏ lmusiqa nni min ṯeƹna.