1 Ayṯ-Kurinṯ 13:5 - Ṯarifiṯ 2020

⁵ aqa nettaṯ tseḏḥa. War ṯrezzu ca x min ṯenwa nettaṯ waha. War ishiȓ aḏ tƹeṣṣeb, meȓa ƹṣan-t tettu ḏeɣya.

1 Ayṯ-Kurinṯ 13:5 Referans Kwoze

1 Ayṯ-Kurinṯ 10:24

War rezzuṯ ca ȓxir i yixef nwem, rzum-ṯ i wajjar nwem.

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.

Ayṯ-Filippas 2:21

Marra rezzun min ḏasen ithiman i yixef nsen waha, maci min ithiman i Ƹisa Lmasiḥ.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

1 Ayṯ-Kurinṯ 12:25

Ammu war iǧi bu lxilaf ḏi ddat, thellant ḏeg waywaya kif-kif.

2 Ayṯ-Kurinṯ 5:19

Iƹni Arebbi igga ḏi Lmasiḥ bac aḏ isemṣȓaḥ iwḏan akiḏes, war xasen iḥesseb ca ȓmuƹṣiyaṯ nsen. Ƹaweḏ Arebbi ikellef xaneɣ awaȓ-a wanita n ṣṣulḥ.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 11:18

Ḏ amezwaru, xmi tmunem jmaƹeṯ n ȓmuminin tesȓiɣ belli tiȓin jarawem lxilafaṯ, u nec tamneɣ manaya illa ḏayes cwayt n ṣṣaḥ.

Matta 5:22

Walakin nec qqareɣ-awem: Marra uw ɣa iƹaṣben x wumas ataf aḏ itwaḥkem. Wenni ɣa yinin i wumas: Ay aɣyuȓ, ataf aḏ itwaḥkem ḏi lmaḥkama ṯameqqrant. Ḏ wenni ɣa yinin i wumas: Ay afɣuȓ, ataf isḏaheǧ aḏ iraḥ ɣar ṯmessi n jahennama.

Luqa 7:39

Afarrisi nni iy ṯ iƹarḍen wami iẓra manaya inna ḏi nnefs nnes: Wanita maƹlik ḏ nnabi ataf aḏ issen min ṯeƹna ṯemɣarṯ-a iy ṯ itḥaḏan, nettaṯ ṯeƹṣa Arebbi.

Marqus 3:5

Ixzar ɣarsen iƹeṣṣeb, ixeyyeq ȓaḥeqqac uȓawen nsen qesḥen. Inna-as i uryaz nni: "Sarreḥ fus nnec." Isarreḥ-iṯ uca iḏweȓ ufus nnes igenfa.

2 Ayṯ-Salunik 3:7

Kenniw s yixef nwem ṯessnem u labud aḏ tebƹem abriḏ nni iy negga jarawem. Neccin war netbiƹ ca farq-ccɣeȓ wami tuɣaneɣ akiḏwem.

1 Ayṯ-Kurinṯ 7:36

Fa wenni ixeḍben, meȓa war izemmar ca aḏ iṣbar x ṯḥenjirṯ nni iƹni war iḥekkem ca mliḥ x ccehawaṯ nnes, ṣafi itxeṣṣa-as aḏ igg lwajib nnes iƹni aḏ imȓec akiḏes. Maƹlic netta war iƹeṣṣi ca.

Matta 9:4

Ƹisa issen min tfekkaren ḏi ȓaƹquȓaṯ nsen inna-asen: "Mayemmi tfekkarem ammu ḏi min war iḥȓin?

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

2 Timutawus 4:16

Wami ḏafƹeɣ x yixef inu ṯwaȓa ṯamezwarut ḏi lmaḥkama marra semḥen ḏayi uȓa ḏ ijjen ma ibedd akiḏi. War xasen t itḥisib ca Siḏi Arebbi.