1 Ayṯ-Kurinṯ 13:1 - Ṯarifiṯ 2020

¹ Maƹlik ssawaȓeɣ s yiȓesawen n iṯarrasen s lluɣa, maƹlik ssawaȓeɣ s lluɣa n lmalaʼikaṯ iƹni ruḥiya, maca ȓemḥibbeṯ war ḏayi tiȓi ca, iȓi tseddaƹeɣ am yij n darbuga, temqerqabeɣ am ȓeqraqeb waha.

1 Ayṯ-Kurinṯ 13:1 Referans Kwoze

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Buṭrus 4:8

Min iǧan muhim qaƹ? Itxeṣṣa aḏ tḥibbem ayawya zeg wuȓ minzi ȓemḥibbeṯ ṯqeṭṭa x waṭṭas n ddunub.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

1 Ayṯ-Kurinṯ 13:8

Ȓemḥibbeṯ-a nettaṯ ƹemmarṣ aḏ teqḍa, maca aḏ ntahan wawaȓen n lʼanbiya, iȓesawen n iṯarrasen war tɣimin ca ḏ lluɣa, lmaƹrifa aḏ twakemmeȓ iƹni ṯusna.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

Ayṯ-Ruma 14:15

Liʼanna meȓa itxeyyaq wumac s macca nni iy tetteḏ, ataf cek war ṯuggureḏ ca nican s ȓemḥibbeṯ. War tegg ca macca nnec ḏ ssabab iy zi ɣa inehḏem wumac wenni mix immuṯ Lmasiḥ.

Matta 25:45

Aḏ d yas uzeǧiḏ aḏasen yini: Aqa tesȓam ȓḥaqq: Min war ṯeggim ca i yijjen n wuma ḏ amezyan zeg ayṯma, war ḏayi t ṯeggim ca i nec.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

1 Ayṯ-Kurinṯ 12:16

Meȓa inna umejjun nnes qa nec war ǧiɣ ca ḏ ṯiṭṭ nec war ǧiɣ ca zi ddat-a, maci s wawaȓ-a iy ɣa iffeɣ zi ddat-a.

Marqus 16:17

Ḏ ṯina ḏ lƹalamaṯ iy d ɣa imeḍharen ak yinni itamnen: Aqa niṯni aḏ sufɣen jnun ƹlaḥsab isem inu, aḏ ssiwȓen s yiȓesawen ḏ jḏiḏ,

1 Ayṯ-Kurinṯ 12:10

Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

1 Ayṯ-Kurinṯ 14:2

Cuf, wenni issawaȓen s lluɣa ruḥiya, ma issawaȓ ak yiwḏan? Lla, issawaȓ ak Arebbi. War ḏinni ḥadd iy ḏas ifehhmen, iqqar ṯimesȓayin s Arruḥ iqeddsen ḏaysent ȓmaƹnaṯ inuffaren.

1 Ayṯ-Kurinṯ 14:4

Wenni issawaȓen s lluɣa ruḥiya istenfaƹ ixef nnes. Wenni issawaȓen s min iƹȓem zi Arebbi istenfaƹ jmaƹeṯ n ȓmuminin.

1 Ayṯ-Kurinṯ 14:5

Iwa xseɣ marra kenniw aḏ tessiwȓem s lluɣaṯ ruḥiyaṯ, walakin mliḥ ƹaḏ aḏ tessiwȓem s wawaȓen iy ṯƹeȓmem zi Arebbi. Wenni issawaȓen s wawaȓ ig iƹȓem zi Arebbi netta imɣar x wenni issawaȓen s lluɣaṯ ruḥiyaṯ, illa meȓa can yijjen aḏ istarjem ḥima aḏ istenfeƹ jmaƹeṯ n ȓmuminin.

Lwaḥi 14:2

Sȓiɣ i yijjen n ṯmijja zeg ujenna ṯegga am ṣṣut n waṭṭas n waman niɣ am wajjaj ijehḏen. Ƹaweḏ ṯmijja nni umi sȓiɣ ṯegga am ṣṣut n yinni iccaṯen ḏi ṯgambrit.