1 Ayṯ-Kurinṯ 10:6 - Ṯarifiṯ 2020

⁶ Ṯimesȓayin-a weqƹent ḏ ijjen n lƹibra i neccin. Mayemmi? Bac war ḏayneɣ itiȓi mezȓi x ccarr mammec tuɣa cehhan niṯni.

1 Ayṯ-Kurinṯ 10:6 Referans Kwoze

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

1 Ayṯ-Kurinṯ 10:11

Weqƹent-asen ṯimesȓayin-a ḏ ijjen n lƹibra i neccin. Zemmmen-ṯent ḥima azzaysent neȓmeḏ neccin, iƹni xeḍȓent-id xaneɣ aȓ uneggaru-ya n zmanaṯ.

Iƹibraniyen 4:11

Iḏen wa labud a negg lmejhud nneɣ bac a naḏef ḏi arraḥeṯ nni ḥima uȓa ḏ ijjen war iweṭṭi ḏi nnefs n ȓmuƹṣiyeṯ.

2 Buṭrus 2:6

Iƹaqeb ƹaweḏ Arebbi ṯandint n Sadum ḏ ṯendint n Ƹamura issecmeḍ-iṯent yarri-ṯent ḏ ṯaƹejjajṯ n yiɣɣeḏ [=ṯnifesṯ] waha, iggi-ṯent ḏ lƹibra x min itrajan i yinni war ḏas itṭiƹin ca.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

Ayṯ-Ruma 5:14

Innama, zi zman n Adam aȓ zman n Musa ṯḥekkem ȓmewṯ x yiwḏan uȓa x yinni war iƹṣin ca amecnaw ȓmuƹṣiyeṯ n Adam, u netta ḏ ȓmiṯal n bnaḏem iy d ɣa yasen.

Iƹibraniyen 9:24

Cuf, Lmasiḥ war yuḏif ca Axxam nni Amqeddes Aṭṭas iy ibnan s ifassen n bnaḏem itcabbahen waha ḏeg wenni n ṣṣaḥ; Lla, netta yuḏef ḏeg ujenna nniṯ aḏ iḥḍar zzaṯ i Arebbi ƹlaḥsab neccin.