1 Ayṯ-Kurinṯ 10:4 - Ṯarifiṯ 2020

⁴ Marra niṯni swin zeg yijjen n ṯsessi ruḥiya. Liʼanna niṯni swin zeg uɣbaȓ nni n uzru ruḥiya iy ṯen iḏeffaren, aɣbaȓ nni n uzru tuɣaṯ netta ḏ Lmasiḥ.

1 Ayṯ-Kurinṯ 10:4 Referans Kwoze

Yuḥanna 7:37

Ḏi nhar aneggaru ameqqran zi ȓƹiḏ nni, ikkar ibedd Ƹisa itxaṭab s jjheḏ inna: "Meȓa iffuḏ ḥadd, itxeṣṣa netta aḏ d yas ɣari aḏ isew.

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Ayṯ-Kulus 2:17

Marra ṯimesȓayin-a niṯenti am ṯiȓi waha n ṯmesȓayin nni iy d ɣa yasen, ṯimesȓayin nni n ṣṣaḥ n Lmasiḥ.

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

Iƹibraniyen 10:1

Cuf, Ccariƹa n Musa nettaṯ ɣir ḏ ijjen n ṯiȓi n ṯmesȓayin ṯiṣebḥanin iy d ɣa yasen, war ṯeǧi ca nettaṯ ḏ ṯimesȓayin nni ḏ ṣṣaḥ. X manaya, dbiḥaṯ nni n ccariƹa iy teggen zi lƹam ɣar lƹam war zemmarent ƹemmarṣ aḏ ssiṣfant yinni itqarraben ɣar Arebbi aḏ iȓin bȓa ȓƹib.

Ayṯ-Galaṭya 4:25

Iwa Hajar nettaṯ amecnaw Aḏrar n Sina iy d itasen ḏi ṯmurṯ n waƹraben. Nettaṯ ṯetwaḥsab ḏ ṯandint n Lquds ḏi ȓweqṯ-a liʼanna nettaṯ ḏ ṯarwa nnes ig iǧan ḏ isemɣan.