1 Ayṯ-Kurinṯ 10:13 - Ṯarifiṯ 2020

¹³ Ṯimesȓayin nni ṯinni ig itiȓin ȓebda ak bnaḏem ḏ ṯinni iy kenniw itɣarran. U Arebbi netta ḏayes ttiqeṯ, war kenniw itejji ca aḏ twaɣarram s min war ṯzemmarem aḏ teṣbarem; Lla, aḏawem iḏebbar ijjen n ṯewwarṯ ḥima aḏ teṣbarem i manayenni.

1 Ayṯ-Kurinṯ 10:13 Referans Kwoze

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

Iƹibraniyen 12:4

Wami ṯmenɣem ḍed i ȓmuƹṣiyeṯ, war ṯƹirrḍem ca bac aḏ azzȓen iḏammen nwem lla.

1 Ayṯ-Salunik 5:24

Wenni iy ḏawem d itȓaɣan ḏayes ttiqeṯ, ḏ netta iy kenniw ɣa issiwḍen ɣar manaya.

Luqa 22:46

Inna-asen: "Mayemmi teṭṭṣem? Kkarem, ẓẓaǧem ḥima war tiḏfem ca ḏi ȓemḥayen."

2 Ayṯ-Kurinṯ 1:10

Isenjem-aneɣ-d zeg yijjen n ȓmewṯ ḏ ṯaƹeffant u netta ƹaḏ aqa isenjam-aneɣ. Ntegg ḏayes lʼamal nneɣ belli ƹaḏ aḏaneɣ isenjem wami kenniw ḏaneɣ tƹawanem s ṯẓaǧiṯ nwem. Ṯumma aṭṭas n yiwḏan aḏ sgaƹƹḏen ṣṣut nsen ɣar Arebbi aṯ cekkaren x lbaraka nni iy ḏaneɣ ɣa yuc xmi iy ɣa ṯestajeb aṭṭas n ṯẓaǧiṯ nsen xaneɣ.

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

1 Buṭrus 4:19

Falihaḏa yinni itwaƹeddaben s array n Arebbi, itxeṣṣa-yasen aḏ sellmen ȓaƹmar nsen ḏeg ifassen n Lxaliq nsen netta iy ḏi ṯeǧa ttiqeṯ, aḏ qqimen teggen min iǧan ḏ aṣebḥan.

1 Yuḥanna 1:9

Walakin meȓa neƹtaref s ȓmuƹṣiyaṯ nneɣ i Arebbi, netta aqaṯ nican ḏayes ttiqeṯ, aḏaneɣ iɣfar ȓmuƹṣiyaṯ nneɣ aḏaneɣ issiṣfa zi marra ccarr.

1 Ayṯ-Kurinṯ 1:9

Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

Iƹibraniyen 11:11

S lʼiman Sara s yixef nnes immuc-as jjheḏ aḏ teysi aƹeddis waxxa nettaṯ ṯnumɣar, minzi ṯekkar nettaṯ ṯḥesseb wenni iy t iweƹḏen ḏayes ttiqeṯ.

Iƹibraniyen 10:23

A neṭṭef bȓa ma a neḍȓeq ḏi lʼamal nni iy xef ncehheḏ liʼanna Arebbi iy ḏaneɣ iweƹḏen ḏayes ttiqeṯ.

Luqa 11:4

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan. War ḏaneɣ tegg ca ḏi ȓemḥayen."

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Luqa 16:26

U ƹaweḏ ḏinni ijjen n ȓaǧeɣ yuǧeɣ jaraneɣ. Ijjen ssanita meȓa ixes aɣarwem d iƹḏu war izemmar ca. Ijjen ssenni meȓa ixes aɣarneɣ d iƹḏu war izemmar ca.

Ȓexḏayem 27:44

Inneɣni aṯen ḏfaren x ṯfeȓwin niɣ x ṯeȓwiḥin uɣarrabu. Amenni iy ggin bac aḏ ffɣen marra iḏsen ɣar ȓbarr aḏ nejmen.

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}