1 Ayṯ-Kurinṯ 1:26 - Ṯarifiṯ 2020

²⁶ Ay ayṯma, fekkareṯ ḏi min tuɣa ṯeǧam qbeȓ wami ḏawem d iȓaɣa i kenniw Arebbi. Maci aṭṭas iḏwem iy ḏi tuɣa ṯeǧa ȓefhameṯ ƹlaḥsab min qqaren yiwḏan. Maci aṭṭas iḏwem kenniw ɣar tuɣa ṯeǧa lmartaba. Maci aṭṭas iḏwem kenniw lʼaṣel nwem tuɣaṯ zeg imeqqranen.

Gade chapit la Kopi

« Previous

tounen moute ⬆

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Gade chapit la

1 Ayṯ-Kurinṯ 2:8

Ȓefhameṯ-a war t ifhim uȓa ḏ ijjen zi lḥukkam n ȓweqṯ-a. Lla, liʼanna maƹlik tuɣa t fehmen, iȓi war ṣelliben ca Siḏiṯneɣ ɣar ṯeǧa lƹaḍama.

Gade chapit la

1 Ayṯ-Kurinṯ 1:20

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?

Gade chapit la

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Gade chapit la

Luqa 1:3

A siḏi uȓa ḏ nec tɣiȓ-ayi mliḥ aḏ ggeɣ aḏ ariɣ min iweqƹen wami beḥṯeɣ ḏi marra manaya mliḥ. Aḏac ṯ ariɣ ṯa s ṯa ḥima aḏ tessneḏ ȓḥaqq n ṯmesȓayin nni iy ḏac seȓmaḏen.

Gade chapit la

1 Ayṯ-Kurinṯ 2:13

Nsawaḍ manaya s wawaȓen iy war ṯen ṯseȓmiḏ ca ȓefhameṯ n bnaḏem; Lla, nessawaḍ-iṯ s wawaȓen ig iseȓmaḏ Arruḥ n Arebbi. Awaȓen-a tcarraḥen lḥaqiqaṯ ruḥiyaṯ i yinni umi ɣar iǧa Arruḥ n Arebbi.

Gade chapit la

2 Yuḥanna 1:1

Nec ḏ amɣar, tariɣ ṯabrat-a i ṯemɣarṯ itwaxḍaren ḏ ṯarwa nnes iy texseɣ ḏi lḥaqiqa. Maci ḏ nec waha iy ṯen itexsen; Lla, texsen-ṯen qaƹ yinni issnen lḥaqiqa.

Gade chapit la