1 Ayṯ-Kurinṯ 1:11 - Ṯarifiṯ 2020

¹¹ Ay ayṯma, arriɣ-d ȓexbar zi ṯeddarṯ n Kluwi tmenɣam jarawem.

1 Ayṯ-Kurinṯ 1:11 Referans Kwoze

1 Timutawus 6:4

ataf netta yuff s ttakebbur war ifehhem walu qaƹ. Ihȓec irezzu ɣir amxarwaḍ ḏ umnaqar x wawaȓen iy zi d itas ȓeḥseḏ ḏ umenɣi ḏ ȓbaṭeȓ ḏ lʼafkar ḏ ṯiƹeffanin.

Ayṯ-Galaṭya 5:26

War nsemɣar ca ixef nneɣ s ttakebbur, war ḏayneɣ itiȓi ca ȓeḥseḏ ḏ ṯɣennant jaraneɣ.

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

Ayṯ-Galaṭya 5:20

ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Filippas 2:14

Ggeṯ marra ṯimesȓayin bȓa ma aḏ tceṯcam bȓa ma aḏ tmenɣem.

1 Ayṯ-Kurinṯ 11:18

Ḏ amezwaru, xmi tmunem jmaƹeṯ n ȓmuminin tesȓiɣ belli tiȓin jarawem lxilafaṯ, u nec tamneɣ manaya illa ḏayes cwayt n ṣṣaḥ.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

Titus 3:9

Walakin siggwej ixef nnec zeg imnaqaren iy ḏi ṯeǧa ɣir ṯubuhȓiya u ƹaweḏ zi lbaḥt nni n ṯcejjura n ȓejḏuḏ ḏ imenɣiwen ḏ imxarwaḍen x ccariƹa liʼanna niṯni ḏ ȓbaṭeȓ waha war neffƹen ca qaƹ.