Yuuda 1:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi herti Waakhe weene Miikayel layadeeh laka maanti iche ichoow Seytaan ba eti sar Muusa khaato isleemarmeen, walah iche Seytaan kacheekatte mele, iꞌdaasenyi “Kamur a kileejaakho,” iche itidah.

Yuuda 1:9 Referans Kwoze

2 Beetero 2:11

Herti Waakh wahanyeyyoha weyti miig a kakhabta toro weynaan ꞌdirihicho laka khabta. Eheetteey laka, chiꞌiche wahanyeyyoha Kamur ortiis ka cheekatti ma abaarto.

Bakkaahit 12:7

Goobi Waakh ka la diho a jirte. Herti Waakhe weene Miikayel layadeeh ichoow herticheti Waakhe addan khorojebsi isjaheen. Khorojebsi ichoow hertiis diho geleen.

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

1 'Dessaloonika 4:16

A mehe Kamur rubeytiis a riira, amur bahcha, goobi Waakh kasookhubta, hooyi herti Waakhe ween ladaaga, arabi Waakh la ladaaga, ꞌdooꞌdi Kiriisto kakhuufe tuume la kolooraat omoot kasookaha.

Marko 15:29

ꞌDooꞌdi intaas tabo a leeabaarrama, ꞌdarraaw ka matah moroogicha. “Aaꞌheey! Atihi minki Waakhe buure jejjebisso, toro orrah seyyah on ka disso,