Yoohana 9:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Geeddi an harrata on kajiro, an a eti ꞌdooꞌdi harra banay siicho.”

Yoohana 9:5 Referans Kwoze

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Hilassi Ergaano 13:47

A mehe amuri Kamur nah siiche a kan, “ ‘A kisoobahsade, banayhi yaafohi Waakh igaran kaayeele, ꞌdee Wori Haaggane ribnaan keeno harra tuumman eleelissa.’ ”

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Bakkaahit 21:23

Ilkerengeete orrah ommos yeyyakki banay siicho ma ꞌdoonto. A mehe ababnaanki Waakhe ilkerengeet banay siicha, Heleem la a taahicheeda.

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Hilassi Ergaano 26:23

Wihi icho cheekeen, Ki Lasubhe sina lakawaaricha, toro eti oraate omoot kasookaho yateehe, ꞌdee ꞌdooꞌdiis ichoow yaafohi Yaꞌhuud ieheynan banayhi saggi Waakh icho iribo tusa.”

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

Mattaayo 5:14

“Atin iꞌdi banay u, enenyeti harratane jiti Waakh tussaan, ilkerengeetti hal sartiis kadisan la ma ladabo.