Yoohana 9:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin.

Yoohana 9:4 Referans Kwoze

Yoohana 12:35

Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.

Efeesso 5:16

Jeenteti waha ibeenneti enenyet uskeel yeelo iyahiin u, ibeenki Waakh atin siicho dakkhan mujjum khaadda, saggi rumanka Kiriisto liiraaho tusa.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Kolossaay 4:5

Taba ꞌdooꞌdi urur Kiriisto goya ikajirin jiti khara kaleefiddiya. Ibeenki Waakh atin siicho dakkhan mujjum khaadda, ꞌdooꞌdaas gargaara ꞌdee Kiriisto a kakhuufeen.

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Yoohana 10:32

Iꞌdaasenyi Yeesso wihi us iyidah, “Anto Aabbaheey ka wihi ittaawenye weeli enenyet yeelin iubaaꞌdan goytiin ka a yeele. Waha an yeele goyaka, jeenteti kichekoh dagah ka ogoos iꞌdoontaan?”

Yoohana 10:37

Chirri an wihi Aabbaheey yeelo iyeelin, iirummeysanna.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Yoohana 5:19

Yeesso wihi us jaldaabti Yaꞌhuud ilaabe, “Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. Iꞌdi tahe wihi Aabbahiis yeelo on Weeliis laka yeela.

Yoohana 7:33

Yeesso la wihi us iyidah, “An geeddoor on atin leejira, ꞌdee yomboka eti isooergate inokhda.

Mattaayo 20:7

“Wihi icho ilaabeen, ‘Et nah kireeste mele.’ “Wihi us icho iyidah, ‘Atin laka nyaama goseey hil kahaaggicha, amba mujjum atin gutaa.’

Marko 3:3

Yeesso wihi us eti dahane hanjaawte iyidah, “Enenyet tuumman ortiis tolosso!”