Yoohana 9:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”

Yoohana 9:39 Referans Kwoze

Yoohana 3:19

“Wihi Waakh gooche kallaayo. Runti Waakhe iꞌdi banayeete harra a soogesse, iꞌdaasenyi enenyet banayhi Waakh menye, mugꞌdi on ꞌdoona. A mehe wihi icho yeelaan a wihi uskeel kaldach on.

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

1 Yoohana 2:11

Iꞌdaasenyi, eti tuummane etiiskoo Kiriisto rummeeste nihib, iꞌdi eti indo laa u mugꞌdi goya kasohta. Inti us isohti ma garti, a mehe uskeel iꞌdi mugꞌduu indo a ꞌduuꞌde.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

2 Koriinto 2:16

ꞌDooꞌdi baabaa kijiro ka, nah a iꞌdi suusakki enenyet bakkicho. ꞌDooꞌdi Waakh ribo ka la, nah a iꞌdi uyuuggi jiro lakeelo. Ayyo la hila keley yabuuꞌd?

Yoohana 9:25

Et wihi us ilaabe, “Uskeel khabyeey ichoow kuus ka ba an ma gardi. Wohoo kalday on garda. An ꞌhor indo ma khabo, iꞌdaasenyi toolla il a arga.”

Yoohana 8:15

Atin jiti weeli enenyete walah kagoossaan, ani la et an uskeel igoocho mele.

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

Luuka 13:30

Rumanka ꞌdooꞌdoo ꞌduboote ki oraat yateehe, koo oraat la ki ꞌduboot yateeh.”

Luuka 7:21

Yeesso la chirraakka ꞌdooꞌdi ittaawenye khakkhannan ichoow ki bolokh khabo ichoow ki ginnayyo dakhtaan samaache. ꞌDooꞌdi ittaawenye indo laa la indo fure.

Luuka 2:34

Siimiyon ꞌdeerka icho iweeste, Maariyati abarti weele la wihi us iyidah, “Weela Waakhe soobahsate, ꞌdee ꞌdooꞌdi Issiraayel gaasoo riba gaasoo la bar tira. Ulla miigti Waakhe enenyet tusa, iꞌdaasenyi ꞌdooꞌdi buure usu a tirrima.

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 6:23

Iꞌdaasenyi chirri indohaah suujyahiin sartaah mugꞌdi buuha. ꞌDeerka chirri banayhi at khabto lajicche at mugꞌdihi reebenye goya kijirta.

2 'Dessaloonika 2:10

Toro la suujoon tuumman ka ꞌdooꞌdi ki labaabiichee ekkeesta. ꞌDooꞌda jeenteti icho wori rummaat ꞌdoonin iꞌdiiꞌdeene liibaabiicha, ꞌdeerka ribnaan laka waayaan.

Mattaayo 15:14

Woricho ꞌdiicha! Icho a iꞌdi ꞌdooꞌdi indo laaye, toro enenyeti indo laa angaamicho. Etoo indo laa chuꞌus koo indo laa angaamicho, lammache ankhar a iskaleedihta.”

Yoohana 12:31

Ibeenki Waakh ꞌdooꞌdi harrata hukkumo kola a yitah. Waakh toolla karnati harrata a riha.