Yoohana 9:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Et la wihi us ilaabe, “Enenne waha a girmo! Atin eta inti us kayimiy ma garattaane, ulla indoheey a ihaaggiche!

Yoohana 9:30 Referans Kwoze

Yoohana 12:37

Chirri Yeesso wahanyeyyoha miigti Waakh tuso tuumman geedda ꞌdooꞌd leejiro us yeele laka, ꞌdooꞌd usu ma rummeysan.

Yoohana 3:10

Yeesso la wihi us ilaabe, “At a etoo ꞌdooꞌdi Issiraayel Yeedi Waakh abcho, toro la wahanyeyyoha ma abanna?

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Luuka 7:22

ꞌDeerka wihi us reeri lasooergate ilaabe, “Nyaama nokhda, Yoohana waha atin agarteen ichoow waha atin daagteen icheeka. ꞌDooꞌdi indo laa indo a bahcha, ki goorat luhlo ikhabin la luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume omoot a lakasookahcha, ꞌdooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Marko 6:6

Ulla girmeeste icho ikakhuufinee. Yeesso ꞌdeerka goobassi intaas kamarsan marche, Yeedi Waakh abche.

Mattaayo 21:42

Yeesso wihi us icho iyidah, “Atin Chiirnaanneti Waakh ka waha a soonteen menya? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah. Kamure waha yeele, indoheen ka la weyti haagganyahiin.’

Yoohana 9:29

Saggi Waakh Muusa ileeyyeede a tissibna, iꞌdaasenyi etaas, inti us kayimiy laka ma garanni.”

Yoohana 9:31

Saggi Waakh ꞌdooꞌdi uskeel leh nabah ikasudin a garanna. ꞌDooꞌdi usú inkaanyito wihi us ꞌdoono yeelo la nabah a isuda.