Yoohana 9:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Farissaayotoo la wihi iche tidah, “Eti waha yeele Waakh ma kiimaatan, iꞌdi tahe amuri Seeri Lanaso ma raaho.” Iꞌdaasenyi gaasoo wihi icho worsateen, “Saggoh eti uskeel leh, wahanyeyyoha miigti Waakh tuso iyeela?” ꞌDeerka seley goote.

Yoohana 9:16 Referans Kwoze

Yoohana 10:19

Yeedaas us yidah ka, ꞌdooꞌdi Yaꞌhuud toro seley gowe.

Yoohana 7:43

Jeente Yeessuu, ꞌdooꞌd seley goggowe.

Yoohana 7:12

Urur goyaka nyunnyuutoti usu miinsan kahte. ꞌDooꞌd gaasoo mehe essa ya, “Us a eti haaggan.” Gaasoo la mehe laabeen ya, “Mele, us enenyete ekkeesta.”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Mattaayo 12:2

Farissaayo uus iche waha agarte ka, wihi iche Yeesso itidah, “Yey! Wihi abattitaah Seeri Lanaso ka yeesso ichoow amurre ma israahaan!”

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Yoohana 14:11

Chirra ani, ‘An Aabbaheey goytiissa fiddiya, ulla goytaaya fiddiya,’ atin iidah, irummeesda giꞌde. Chirri atin irummeysan, wihi ittaawenye weeli enenyet yeelin iubaaꞌdane an yeelo ka rummeesda giꞌde.

Yoohana 9:24

Koli lammaatteet inokhteene, eti indo laa waheene wihi icho iyidaaheen, “Waakh kooli, eta kisamaache saggi us eti uskeel leh iyahe a garanna.”

Yoohana 6:52

ꞌDeerka ꞌdooꞌdaas Yaꞌhuud yeedaas Yeesso ka weyti holloweene, isleeiriireen. Wihi iche isworsatte, “Eta saggoh sartiis inno isiicha inaham?”

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Hilassi Ergaano 14:4

ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah.

Mattaayo 12:10

Etoo dahane hanjaawte la intaas a kijire. Farissaayotoo la intaas goya kijirta, wohoo icho Yeesso kacheektaane yowtaane, ꞌdeerka wihi icho Yeesso worsateen, “Amurre ichoow eti Seeri Lanaso ka lasamaacho a israahaan?”

Luuka 13:14

Jeenteti Yeesso makhaabassa Seeri Lanaso isamaachuu, eti minki weysiite Yaꞌhuud itoollo weyti hollowe. Ulla wihi us ꞌdooꞌd iyidah, “Ibeen lih enenyet hiliis haagsati a jirta. Eti khannan ꞌdeerka ibeenneta lihe goyaka a yimaate a lasamaacho, Seeri Lanaso mee.”

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Yoohana 5:10

ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”

Yoohana 7:23

Chirri yeele Seeri Lanaso lakhandiyo, ꞌdee amurre Muusa liijebin, a iꞌdohe jeenteti an Seeri Lanaso enenyet sartiis tuumman isamaachuu ihollowtaan?