Yoohana 8:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Chirri icho waha daageen ka, icho tuumman seley tabeene, tattakkay ka irteen. Kolooraat la araarrinye iratte, ichoowka Yeesso ichoow makhaabál kalday sooꞌhadeen.

Yoohana 8:9 Referans Kwoze

Rooma 2:15

Sohoticho wihi us tuso a mehe ya, wihi amurre Muusa enenyet kaꞌdoonto a iꞌdoo uurassicho goya lakachiire. Rubeyohichoki haag ichoow suujoon seley saaho laka waha a cheekaan. Toro la malassicho ankoo ka saggi icho uskeel iyeeleene cheekaane, ankoo ka la a iyeyyeedaane saggi icho haag iyeeleen icheekaan.

1 Yoohana 3:20

A mehe chirri uurasseen uskeel inno igoochaan laka, Waakh uurasseen a kaweenyahe, ulla walah us igaran mala.

Rooma 2:22

Atinhi makhaabali kaah ieheynan ommos makhaabassi taah ieheynan aleeurꞌdin, elattaan, atin rubeytiin mejel ommos deyyehoti tiin ieheynan a leeuꞌdurtaan? Atin iyookkoyyohi lawahti weyti a ꞌdiiꞌddaane, atin rubeytiin la minassi iyookkoyyoha lakawahti a hattaan?

Yoohana 8:10

Yeesso fit tolossate, wihi us makhaabál worsate, “Weela, ꞌdooꞌdi kootte kicheekti meeke? Et uskeel kigoocho mele?”

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Luuka 13:17

Chirri us iꞌdaas yidah ka ꞌdooꞌdi kootte Yeesso tirrimo lakhaanyo khaatatte, iꞌdaasenyi ꞌdooꞌdi addan haaggi noole us yeelo kahamaade.

Yoohana 8:2

Ibeenki kaas sooraaho baryo ka, toro Yeesso minki Waakhe buure isoonokhte. ꞌDooꞌd tuumman la kasoourure, ulla orronte, ꞌdooꞌd walah abche.

Yoohana 8:3

Tagaammeti amurre ichoow Farissaayo ba makhaabassoo ichehi makhaabaloo kiche ieheynan leeuꞌdurto lakhabte sookhaateene, enenyet ortiis keeneen.

Yoohana 8:8

Toro gulguubsate il chirchiire.