Yoohana 8:55 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁵ Atin injire usu ma garanne, anna usu a garda. Chirri ani, ‘An usu ma gardi,’ an atin iidah, annaka iꞌdiin u eti been lehe ateeh. Iꞌdaasenyi an usu a garda, yeediis la a raaha.

Yoohana 8:55 Referans Kwoze

Yoohana 8:19

ꞌDeerka wihi icho Yeesso worsateen, “Aabbahaah meeke?” Yeesso wihi us ilaabe, “Atin ani ma igarattaane ommos Aabbaheey laka ma garattaan. Chirri kootte atin ani igarattaan, Aabbaheey laka a garattaan gon.”

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Bakkaahit 3:9

Idagansada! ꞌDooꞌdi minki weysiite Seytaan dakhti a ꞌdooꞌdi Yaꞌhuud essi, iꞌdaasenyi ꞌdooꞌdi Yaꞌhuud ieheynane been goocho a jira. An ꞌdooꞌdaas a sookhaata, ortiin ka jilbo il kaguꞌddaane, toro la saggi an atin iꞌdoono abtaan.

Yoohana 8:51

Rume atin icheeka, eti tuummane wihi an abcho raaho, jirtuu ma yamuut.”

Mattaayo 11:27

Yeesso toro wihi us ꞌdooꞌd iyidah, “Aabbaheey walah dakkhan dahantaaya soogesse. Aabbahaaya on menye et Weeliis garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.

1 Yoohana 5:10

Eti tuummane saggi Yeesso Weeli Waakh iyahe rummeesti, wihi Waakh essi a rummeesta. Eti tuummane wihi Waakh essi irummeysan la, Waákh eti been lehe kayeele, a mehe wihi Waakh cheeke Weeliis miinsan ma rummeysan gon.

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

1 Yoohana 2:22

Kamalda bal, eti been leh a ayyee? Eti been leh a eti saggi Yeesso Ki Lasubhe iyahe ꞌdiiꞌdo. Eti iꞌdee a eti Kiriisto igafo. Us Waakkhi Aabbaheene ichoow Weeli Waakh ba a ꞌdiiꞌddanyahe.

1 Yoohana 2:4

Eti tuummane, “An eti Waakh rumanka yahe a garda,” essi, iꞌdaasenyi amurreti Waakh iraahin beene gooche, toro la runti Waakh goytiis ma kijirto.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Hilassi Ergaano 17:23

Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 10:15

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 6:46

Anihi Waakh kiimiy kalday on menye, et addane Aabbaheey arge mele. Ani kalday on Aabbaheey arge.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Luuka 10:22

“Aabbaheey walah dakkhan dahantaaya soogesse. Aabbahaaya on menye et rumanka eti Weeliis yahe garti mele. Toro la Weeliis ichoow ꞌdooꞌdi Weeliis ibabbakkaahin ꞌdoono on menye, et rumanka eti Aabbaheey yahe garti mele.”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

1 Yoohana 1:6

Chirri inno ichoow Waakh ba kulankoo kaldaye khabna elanni eheet a, mugꞌdi goya kaassohanni, inno beene goonna runti Waakh la ma jirro.