Yoohana 8:53 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵³ Aburaahamhi aabbaheenyee a yumuyye, at usu a kaweentahe? ꞌDooꞌdi Waákh íyeyyeedo laka a tuume, at ayyo iskoogtahe?”

Yoohana 8:53 Referans Kwoze

Yoohana 4:12

Toro la, at aacchiheenyoki Yaakoobo layadeehe nah worta kaꞌhelle a kaweentahe? Usu rubeytiis ichoow yeeletiis ichoow hoolahiis tuummamba worta on yubhaabeen.”

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”

Yoohana 12:34

Urur la wihi us iyidah, “Amurre Muusa ka, Ki Lasubhe jirtuu tuumman a inno leefiddiya iche daagne. Saggoh ꞌdeerka ‘Ínam Aadam serey a liiokkhicha’ itadeeh? ‘Ínam Aadamha,’ a ayyo?”

Yoohana 10:33

Wihi icho ilaabeen, “Jeenteti haagga at yeesse mee dagah ikaasaano, iꞌdaasenyi a jeenteti at igafte. Iꞌdi tahe at a weeli enenyet one, toro Waakhe iskaayyeessa.”

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”

Yoohana 5:18

Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Mattaayo 12:6

Wihi an atin icheeko, etoo inta kajiro, minki Waakhe buure laka a kussanyahe.

Mattaayo 3:9

Taba la iisekkeysanna, ‘Aburaaham a aacchihaanya,’ eelanna. Wihi an atin icheeko, Waakh a geeddi us dagahta urgiyicho us nyaakhut nyaakhut Aburaaham kayeelo.