Yoohana 8:49 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁹ Yeesso la wihi us ilaabe, “Ani ginna ma idakhatti. Iꞌdaasenyi an Aabbahaaya koolo ikeena, atin la lakhaanyo ikadowtaan.

Yoohana 8:49 Referans Kwoze

1 Beetero 2:23

Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Yoohana 14:13

Anna walahbaaw atin jeenteti atin keey itahiin u daahteen a atin iyeela, ꞌdee Weeli Waakh Aabbahiis weynaacha.

Yoohana 11:4

Chirri us waha daage ka, Yeesso wihi us yidah, “Khannaata omoot ma kamassati. Khannaata a yateehe ꞌdee Waakh laweynaacha, ꞌdee khannaata ka Weeli Waakh laweynaacha.”

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 12:28

Aabba, magahaah weynaay!” Hooyoo ꞌdeerka serey ka sooyeede, mehe yidah ya, “Magaheey a weynaache, toro la a inokhda weynaacha.”

Yoohana 7:20

Urur chirraakka wihi us Yeesso ilaabe, “Ati ginna kidakhatta. Ayyo ogoos kimarma?”

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

1 Koriinto 11:14

Weeli enenyet tuumman goyaka, chirri eti mejele tinti derdeer khabo lakhaanyo ma iskadowo?

1 Koriinto 15:43

Sarti ladibo a ti haag laaye, sarti omoot lakasookahcho la, a ti haaggan on. Sarti ladibo a ti ꞌdarane, sarti omoot lakasookahcho la, a ti miige.