Yoohana 8:47 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁷ Eti Waakh kayimiy, Yeedi Waakh a dagansata. Atin la Waakh ma kiimaatan gone, jeentetaase ani nabah ikasudiwwaayteen.”

Yoohana 8:47 Referans Kwoze

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.

Yoohana 8:45

Iꞌdaasenyi an ayti rummaate atin icheeka, jeentetaase ani irummeysawwaayteen.

Yoohana 8:37

Saggi atin nyaakhut nyaakhut Aburaaham itahiin a garda. Iꞌdaasenyi ogoose imarantaan, iꞌdi tahe wihi an atin abcho ma rummeysattaan.

Yoohana 8:43

Kamalda bal, atin a iꞌdoh wihi an atin idowo matah atin igelin? A jeenteti atin wori an atin idowo atin aban iubaaꞌdan.

Yoohana 6:65

Yeesso toro yeed orey iwoye wihi us yidah, “Jeentetaase an mehe atin iidah ya, et ani iyamiit mele sammata Aabbaheey ani isiin.”

3 Yoohana 1:11

Aaleeyki an weyti ꞌdoono, ꞌdooꞌdi suujoon yeelo goya atabine, iꞌdaasenyi ꞌdooꞌdi haag yeelo on dabatiis raah. Eti tuummane haag yeelo Waakhe kayimiy. Eti tuummane suujoon yeelo la Waákh ma argin.

1 Yoohana 5:1

Eti tuummane saggi Yeesso Ki Lasubhe iyahe rummeesti a nyaakhuti Waakh. Eti tuummane Waakkhi Aabbaheene ꞌdoono la, nyaakhuti Waakh laka a ꞌdoona gon.

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.