Yoohana 8:46 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁶ Ayyo goytiin ka saggi an rumanka uskeel iyeele tusa? Chirri an rum cheeko a iꞌdoh ani irummeysanna?

Yoohana 8:46 Referans Kwoze

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Yoohana 14:30

Geeddi deer ma atin leeyyeedo, a mehe karnati harrata a soosohtaa. Us miig ma ikakhabo,

Yoohana 8:7

Geedda icho toollaane yeedaas wowworsataan, Yeesso fit tolossate, wihi us iyidah, “Bal etiinki uskeel laa, kolooraat makhaabal dagah a kaseyo.”

Marko 11:31

Iskaleehawwoocheene wihi icho isiyidaaheen, “Chiꞌinno, ‘Waakhe kayimaateen,’ nadeeh, mehe inno iyadeeh ya, ‘A iꞌdoh ꞌdeerka irummeysanna?’

Mattaayo 21:25

Yoohanahi Enenyet Baattissiyo, antohi us enenyet kabaattissiyo, intoh kayimaateen? Waakhe kayimaateen, bal enenyet?” Iskaleehawwoocheene wihi icho isiyidaaheen, “Chiꞌinno, ‘Waakhe kayimaateen,’ nadeeh, mehe inno iyadeeh ya, ‘A iꞌdoh ꞌdeerka irummeysanna?’

1 Beetero 2:22

“Uskeel us yeele mele, been afiis leetimiy mele.”

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

Yoohana 16:8

Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 8:47

Eti Waakh kayimiy, Yeedi Waakh a dagansata. Atin la Waakh ma kiimaatan gone, jeentetaase ani nabah ikasudiwwaayteen.”