Yoohana 8:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ ꞌDeerka chirri Weeli Waakh kifure rumanka a furantahe.

Yoohana 8:36 Referans Kwoze

2 Koriinto 3:17

Toollaka Kamur a Rubey. Inti Rubeyti Kamur kijirto la enenyet a furanyahe.

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.