Yoohana 8:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Icho la wihi icho usu ilaabeen, “Nah a nyaakhut nyaakhut Aburaaham, toro et nah injire ifalle mele. Toollaka chirri at, ‘Runti Waakh a atin furta,’ nah idowto, mehe tussa?”

Yoohana 8:33 Referans Kwoze

Mattaayo 3:9

Taba la iisekkeysanna, ‘Aburaaham a aacchihaanya,’ eelanna. Wihi an atin icheeko, Waakh a geeddi us dagahta urgiyicho us nyaakhut nyaakhut Aburaaham kayeelo.

Yoohana 8:39

Wihi icho ilaabeen, “Aburaaham a aabbahaanya.” Yeesso la wihi us ilaabe, “Chirri atin rumanka nyaakhut nyaakhut Aburaaham tahiin, wihi us yeele atin laka a yeessaan.

Yoohana 8:37

Saggi atin nyaakhut nyaakhut Aburaaham itahiin a garda. Iꞌdaasenyi ogoose imarantaan, iꞌdi tahe wihi an atin abcho ma rummeysattaan.

Yoohana 19:25

ꞌDooꞌdi massalaaba Yeesso hagga toolle a abartiis ichoow iingotiis ichoow Maariyati makhaabál Kiiliyoobaase ichoow Maariyati ilkerengeetti Magdaala.

Luuka 3:8

Taba gurnaanki saggi rumanka atin uskeel ikasoonokhatteen tuso dela. Taba la iisekkeysanna, ‘Aburaaham a aacchihaanya,’ eelanna. A mehe wihi an atin isoocheeko, Waakh a geeddi us dagahta urgiyicho us nyaakhut nyaakhut Aburaaham kayeelo!

Yoohana 8:43

Kamalda bal, atin a iꞌdoh wihi an atin idowo matah atin igelin? A jeenteti atin wori an atin idowo atin aban iubaaꞌdan.

Rooma 9:7

Ommos nyaakhuti hiiy Aburaaham kayimiy tuumman mee rumanka nyaakhuti Waakhe. Waakh wihi us Aburaaham iyidah, “Nyaakhut nyaakhutaah Isakhe lakawaha.”