Yoohana 8:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Tagaammeti amurre ichoow Farissaayo ba makhaabassoo ichehi makhaabaloo kiche ieheynan leeuꞌdurto lakhabte sookhaateene, enenyet ortiis keeneen.

Yoohana 8:3 Referans Kwoze

Yoohana 8:2

Ibeenki kaas sooraaho baryo ka, toro Yeesso minki Waakhe buure isoonokhte. ꞌDooꞌd tuumman la kasoourure, ulla orronte, ꞌdooꞌd walah abche.

Yoohana 8:4

Wihi iche Yeesso itidah, “Eti ween, makhaabassa ichehi makhaabaloo kiche ieheynan leeuꞌdurto iche lakhabte.

Yoohana 8:9

Chirri icho waha daageen ka, icho tuumman seley tabeene, tattakkay ka irteen. Kolooraat la araarrinye iratte, ichoowka Yeesso ichoow makhaabál kalday sooꞌhadeen.

Hilassi Ergaano 4:7

Beetero ichoow Yoohana orcho a lakeeno yidaaheene, ꞌdeerka waha wowworsateen, “Miig eyya ommos antohi magah eyya waha kayeesseen?”

Mattaayo 2:4

Inkoo us kuhaaniyyohi wewween ichoow tagaammeti amurre tuumman tol iwahe ka, inti Ki Lasubhe lakadelo worsate.

Yoohana 9:13

Eti goorat indo laa sookhaateene, Farissaayo ikeeneen.

Rooma 7:3

ꞌDeerka chirri arame geeddi arankiche jiro arankoo addan leefiddiito, arantaas uskeeli iche aranki kiche ieheynan leeuꞌdurto iche gesse. Iꞌdaasenyi chirri arankiche buje, amurretaas mindischo miinsan ka a lafure. Chiꞌ arankoo addan diste laka uskeel iche yeesse mele.