Yoohana 8:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 8:29 Referans Kwoze

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 16:32

Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 5:30

Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

Yoohana 8:16

Iꞌdaasenyi chiꞌ kootte incheenka an ꞌdooꞌd hukkumo, jiti an ꞌdooꞌd kahukkumo a ki rummaat. A mehe an waha keley ma yeelo, Aabbaheeyki isooerge a ileejira.

1 Yoohana 2:1

Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Yoohana 14:31

iꞌdaasenyi ꞌdooꞌdi harrata saggi an Aabbaheey iꞌdoono an amur Aabbaheey iraaho a abta. “Kaaleya inta a katabno.”

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

2 Timooti 4:22

Kamur ba rubeyohiin leejira. Waakh ba atin imaala.

Mattaayo 3:15

Iꞌdaasenyi Yeesso wihi us ilaabe, “Toolla iꞌda on a titaahe. A mujjum chiꞌinno iꞌda yeello, ꞌdee mali fissane Waakh buuhinno.” Yoohana ꞌdeerka wihi Yeesso iyidah ayyiche, baattissiye.

1 Yoohana 3:22

Waakh la walahbaaw inno daahne ka a inno siicha. A mehe inno amurretiis a raahna, toro la jiroti usu kahamaadisso jirra.