Yoohana 8:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Wihi buurenye atin miinsane an adeehe toro atin kahukkumo a jiraan. Iꞌdaasenyi eti isooerge a ki rum leh. Anna wihi an usu kadaage on ꞌdooꞌdi harrata icheeka.”

Yoohana 8:26 Referans Kwoze

Yoohana 15:15

“Kola ilbooyye ma atin adeeh, iꞌdi tahe ilbooyye wihi kamuriche haaggicho ma garatti. Aalassaaya atin adeeh. Iꞌdi tahe wihi tuummane an Aabbaheey kadaage, a atin isoocheeke.

Yoohana 8:40

Atin la anihi wihi rummaate tuummane an Waakh kadaage atin isoocheeke, iche ogoos imarantaan. Aburaaham injire wihi iꞌdaase ma yeelin.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 7:28

Yeesso minki Waakhe buure ka ꞌdooꞌd walah abche, riire, wihi us yidah, “Atin rumanka eti an ahe ichoow inti an kiimiy a garattaan on a? An ma issooerganne, iꞌdaasenyi ki isooergate a ki rum leh. Atin la usu ma garattaan.

2 Koriinto 1:18

Iꞌdaasenyi saggi Waakh liikakhuufuu, woreenyoki nah atin ikeenne laka koloo kalday, “Aa,” ichoow, “Mele,” ma isleeyadeeh.

Yoohana 16:12

“Wihi buurenye an atin isoocheeko a jiraane, iꞌdaasenyi toolla a atin kahulees.

Yoohana 7:16

Yeesso wihi us ilaabe, “Waha an ꞌdooꞌd abcho, yeedeey on menye, a yeedi eti isooergate kayimiy.

Yoohana 3:11

Rume kisoocheeka, wihi nah garanni a atin isoocheekna, wihi nah indo kaagarre laka a atin isoocheekna. Iꞌdaasenyi, atin wihi nah atin idowno ma rummeysattaan.

Yoohana 8:25

Iche la wihi iche Yeesso worsatte, “At a ayyo?” Yeesso la wihi us ilaabe, “An a eti an uus uumaccho ka an atin isoocheeke on.

Yoohana 8:27

Icho la saggi Yeesso wor Aabbahiis ikayeyyeedo ma aban.

Yoohana 18:20

Yeesso wihi us ilaabe, “An ꞌdooꞌd tuumman ꞌdowe kaleeyyeede. Kol tuumman minassi weysiite Yaꞌhuud ichoow minki Waakhe buurenye ꞌdooꞌdi Yaꞌhuud iskaꞌhelo ka laka ꞌdooꞌd wori Waakh a abche. Walah an dagsi ka idah mele.