Yoohana 8:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Jeentaase uskeeliin goya katuuntaan atin ikiidah. Chirri atin eti an ahe an atin isoocheeke irummeysan, uskeeliin goya katuuntaan.”

Yoohana 8:24 Referans Kwoze

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Yoohana 3:18

Eti tuummane Weeli Waakh rummeeste ma lahukkumo. Iꞌdaasenyi eti tuummane irummeysan orey on lahukkume, a mehe Weeli Waakhe keleye ma rummeysan.

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

Yoohana 13:19

“Waha geeddi icho iitaahane atin isoocheeka, ꞌdee maanti icho yitaaheen laka, saggi an eti an ahe, an atin isoocheeke iahe rummeysattaan.

Yoohana 4:26

Yeesso la wihi us ilaabe “Aniha kileeyeyyeedo a usu rubeytiissa.”

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Yoohana 8:21

Yeesso toro wihi us icho iyidah, “An a irda, atin la a iyowattaan. Iꞌdaasenyi inti an irdi ma tamiitiin. Uskeeliin goya katuuntaan.”

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Marko 13:6

ꞌDooꞌdi ittaawenye ani iskaayyeelo yamiite, ‘An a Ki Lasubhe’ essi, a agartaane, ꞌdooꞌdi ittaawenye ekkeestaan la.

Luuka 21:8

Wihi us ilaabe, “Yuubsada, uus atin leekkeysan. A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi toro ‘Ibeen a soodowwaate,’ essi a agartaan. Icho araahina.

Mattaayo 24:5

A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi, a agartaane, ꞌdooꞌdi ittaawenye ekkeestaan la.

Yoohana 8:25

Iche la wihi iche Yeesso worsatte, “At a ayyo?” Yeesso la wihi us ilaabe, “An a eti an uus uumaccho ka an atin isoocheeke on.

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”