Yoohana 8:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Iꞌdaasenyi Yeesso wihi us iyidah, “Atin a ki ilane, anna a ki saraat. Atin a ki harratane, anna ki harrata mee.

Yoohana 8:23 Referans Kwoze

Yoohana 3:31

“Weeli Waakhe goobi Waakhe saraat kayamiit, usu ꞌdooꞌd tuumman kaween. Ani a ki harratane, wihi harratane kayeyyeeda. Ki goobi Waakh kayamiit la, usú ꞌdooꞌd tuumman kaween.

Yoohana 17:16

Iꞌdi an laka ꞌdooꞌdi harrata kichokoo ieheynan u, icho laka ki harrata mee.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

Yoohana 3:13

Ínam Aadamhi goobi Waakh kasookhubte on menye, et addane injire goobi Waakh ikore mele.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.