Yoohana 8:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ ꞌDeerka wihi icho Yeesso worsateen, “Aabbahaah meeke?” Yeesso wihi us ilaabe, “Atin ani ma igarattaane ommos Aabbaheey laka ma garattaan. Chirri kootte atin ani igarattaan, Aabbaheey laka a garattaan gon.”

Yoohana 8:19 Referans Kwoze

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

Yoohana 7:28

Yeesso minki Waakhe buure ka ꞌdooꞌd walah abche, riire, wihi us yidah, “Atin rumanka eti an ahe ichoow inti an kiimiy a garattaan on a? An ma issooerganne, iꞌdaasenyi ki isooergate a ki rum leh. Atin la usu ma garattaan.

Yoohana 1:10

Us harratane kijire. Chiꞌ usu ka walah tuumman lasoouume laka, ꞌdooꞌdi harrata eti us yahe ma aban.

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

2 Yoohana 1:9

Eti tuummane wihi Kiriisto ꞌdooꞌd abche iraahine, wihi awtiis kakhaye, Waakh ma khabo. Eti tuummane orey isohti wihi Kiriisto ꞌdooꞌd abche khuccho, Waakkhi Aabbaheene ichoow Weeli Waakh ba a khaba.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Yoohana 17:3

Enenyet la chuꞌus atihi kaldaye rumanka Waakhe kigarti, toro la Yeesso Kiriistohi at sooergatte garti, wahaas a jiroti jirtuu imassan.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.