Yoohana 8:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ An rumanka awtaaya kaayyeeda, toro la Aabbaheeyki ani isooerge laka garteey a laaba.”

Yoohana 8:18 Referans Kwoze

Yoohana 8:58

Yeesso wihi us ilaabe, “Rume atin icheeka, geeddi Aburaaham ijirin laka an a jira on.”

Yoohana 8:38

Wihi an inti Aabbaheey kajiro ka an arge a atin icheeke. Atin la wihi atin aabbahiin kadaagteen iche yeessaan.”

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 10:14

“An a ersinki haaggan. Iiyteey a garda, iiyteey la a igaratta.

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

Yoohana 10:9

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

Yoohana 8:51

Rume atin icheeka, eti tuummane wihi an abcho raaho, jirtuu ma yamuut.”

Yoohana 8:25

Iche la wihi iche Yeesso worsatte, “At a ayyo?” Yeesso la wihi us ilaabe, “An a eti an uus uumaccho ka an atin isoocheeke on.

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Yoohana 10:30

Ani ichoow Aabbaheey a koo kalday.”

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.